قازاقستان قىتايمەن اراداعى اۆتوبۋس، پويىز جانە اۋە قاتىناسىن ۋاقىتشا توقتاتادى
ق ر ۇكىمەتى جانىنداعى ۆەدومستۆوارالىق كوميسسيا قازاقستان اۋماعىندا كوروناۆيرۋستىڭ تارالۋىنا جول بەرمەۋ بويىنشا ءبىرقاتار قوسىمشا قورعانۋ شارالارىن قابىلدادى.
«2020 -جىلعى 29 - قاڭتاردان باستاپ ق ر مەن ق ح ر اراسىندا جولاۋشىلار اۆتوبۋسىنىڭ تاسىمالى ۋاقىتشا توقتاتىلدى؛
2020 -جىلعى 1 - اقپاننان باستاپ ق ر مەن ق ح ر اراسىندا جۇرەتىن جولاۋشىلار پويىزدارىنىڭ باعدارى ۋاقىتشا توقتاتىلادى؛
2020 -جىلعى 3 - اقپاننان باستاپ ق ر مەن ق ح ر اراسىنداعى جۇيەلى اۋە قاتىناسى ۋاقىتشا توقتاتىلادى»، دەلىنگەن حابارلامادا.
سونداي- اق، ۆەدومستۆوارالىق كوميسسيا شەشىمىمەن ق ر ازاماتتارىنا ۆيزالار بەرۋ توقتاتىلدى.
2020 -جىلعى 4-8 - اقپان ارالىعىندا حالىقارالىق تەننيس فەدەراتسياسىنىڭ فەدەراتسيا كۋبوگىنىڭ ىرىكتەۋ ماتچتارىن ق ح ر- دىڭ دۋنگۋان قالاسىنان نۇر- سۇلتان قالاسىنا اۋىستىرۋى تۋرالى ۇسىنىسى قابىلدانبادى، سونداي- اق 2020 -جىلعى 12-16 - اقپان ارالىعىندا سۋ دوبىنان ازيا ىرىكتەۋ چەمپيوناتى وتكىزىلمەيتىن بولدى.
ايتا كەتەرلىگى، ۆەدومستۆوارالىق كوميسسيا جاعدايدى تاۋلىكتىك رەجىمدە قاداعالاۋدا. بيىلعى 29 - قاڭتارداعى جاعداي بويىنشا قازاقستان رەسپۋبليكاسىندا كوروناۆيرۋس ينفەكسياسىمەن سىرقاتتانۋ وقيعاسى تىركەلمەگەن. اتالعان ماسەلە ەل باسشىلىعىنىڭ ەرەكشە باقىلاۋىنا الىنعان.