الماتىدا اپاتقا ۇشىراعان ۇشاقتىڭ ەكىنشى ۇشقىشى اۋرۋحانادان ەمدەلىپ شىققان سوڭ قايتىس بولدى

None
None
نۇر- سۇلتان. قازاقپارات – ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ اپاتقا ۇشىراعان Bek Air ۇشاعى ەكىنشى ۇشقىشىنىڭ قايتىس بولۋىنا قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«كەز كەلگەن ادامنىڭ ءولىمى فاكتىسى بويىنشا قاجەتتى سوت- مەديتسينالىق زەرتتەۋ تاعايىندالادى. الدىن الا مالىمەتتەرگە قاراعاندا، اتالعان جاعدايدا ۇشقىشتىڭ قايتىس بولۋىنا اۋە اپاتىنداعى جاراقاتتار نەمەسە باسقا دا كريمينالدىق فاكتورلار سەبەپ بولىپ وتىرعان جوق. بۇل تۇرعىدا ماسەلە ونىڭ دەنساۋلىعىنا قاتىستى بولىپ تۇرعان سياقتى. دەگەنمەن دە ناقتى سەبەپتى سوت- مەديتسينالىق ساراپتاما كورسەتەدى»، - دەدى م. قوجايەۆ پارلامەنت ماجىلىسىندە تىلشىلەر ساۋالىنا جاۋاپ بەرە وتىرىپ.

وسى ورايدا سوت- مەديتسينالىق ساراپتاماعا 30 كۇندەي ۋاقىت كەرەك ەكەندىگىن دە اتاپ ءوتتى.

بۇدان بۇرىن حابارلانعانداي، 28 - قاڭتاردا الماتى ماڭىندا ۇشاق اپاتىنان جاراقات العان ەكىنشى ۇشقىش قايتىس بولدى.

قالالىق قوعامدىق دەنساۋلىق ساقتاۋ باسقارماسى باسپا ءسوز قىزمەتىنىڭ مالىمدەۋىنشە، پيلوت 21 - قاڭتاردا №4 قالالىق كلينيكالىق اۋرۋحانادان ەمحانادا امبۋلاتوريالىق ەمدەلۋگە جاعدايى تۇراقتى كۇيدە ۇيىنە شىعارىلعان.

«ەمحانادا كارديولوگ، حيرۋرگ، تەراپيەۆت، پسيحولوگتاردىڭ قاراۋىندا بولعان. بۇگىن ساعات 18.00-دا جەدەل جاردەم قىزمەتىنە ونىڭ جاعدايى كەنەت ناشارلاپ كەتكەنى جونىندە شاقىرتۋ تۇسكەن. جەدەل جاردەم دەر كەزىندە كەلدى، جۇرەك قىزمەتىن قالپىنا كەلتىرۋ جونىندەگى بارلىق رەانيماتسيالىق ءىس- شارالار جاسالدى، الايدا ونىڭ بارلىعى ناتيجەسىز بولدى»، - دەپ ءمالىم ەتتى باسقارما وكىلى.

ەسكە سالا كەتەيىك، 2019 -جىلدىڭ 27 - جەلتوقسانىندا الماتىدان نۇر- سۇلتان قالاسىنا ۇشىپ شىققان 93 جولاۋشى جانە 5 ەكيپاج مۇشەسى مىنگەن ۇشاق اپاتقا ۇشىراعان بولاتىن. اۋە كەمەسىنىڭ كومانديرى 57 جاستاعى مارات مۇراتبايەۆ وقيعا ورنىندا قازا تاپتى.

اۆتور رۋسلان عابباسوۆ


سوڭعى جاڭالىقتار