الماتىداعى ءال- فارابي ورتالىعى قالاي جۇمىس ىستەيدى

None
None
الماتى. قازاقپارات - الماتىدا جاڭادان اشىلعان ءال- فارابي ورتالىعىنىڭ ديرەكتورى بەكجان مەيىربايەۆ ورتالىقتا قانداي جۇمىستار اتقارىلاتىنىن ايتتى، دەپ حابارلايدى قازاقپارات ءتىلشىسى.

«بۇل - جاھاندىق ماڭىزدى وقيعا، ءال- فارابي جىلى يۋنەسكو- نىڭ قولداۋىمەن ءبىرىنشى رەت وتكىزىلىپ وتىرعان جوق. 1970- جىلدارى ءال- ءفارابيدىڭ 1100 جىلدىعى جاھاندىق دەڭگەيدە ءۇش قالادا ءوتتى: الماتى، ماسكەۋ جانە باعدات. عۇلاماعا ارنالعان ءىس- شارالار جىل بويى ۇيىمداستىرىلدى. بۇگىنگى شارانىڭ دا الار ورنى بولەك. ءال- فارابي تەك قازاقستان ءۇشىن عانا ەمەس، الەم ءۇشىن ماڭىزدى تۇلعا»، - دەدى بەكجان مەيىربايەۆ.

ول 1993 -جىلدان باستاپ ۋنيۆەرسيتەت قابىرعاسىندا «ءال- فارابي جانە قازاق حالقىنىڭ رۋحاني مۇراسى» اتتى عىلىمي- زەرتتەۋ جانە ءبىلىم بەرۋ ورتالىعىنىڭ جۇمىس ىستەپ تۇرعانىن جەتكىزدى.

«اۋقىمدى شارالار اياسىندا ءبىز ءوز قىزمەتىمىزدى كەڭەيتىپ، ءال- فارابيدىڭ ورتالىعىن قۇرىپ جاتىرمىز، ول عىلىمي- زەرتتەۋ جانە عىلىمي- ءبىلىم بەرۋ قىزمەتىمەن قاتار ءال- فارابيدىڭ يدەيالارى مەن شىعارماشىلىعىن ناسيحاتتايتىن بولادى. ءال- فارابي ينتەرنەت- پورتالىنىڭ قۇرىلۋى مەن بۇگىنگى تۇساۋكەسەرى - سونىڭ ايقىن دالەلى. ءبىز بارلىق ماڭىزدى جانە ساپالى مازمۇندى اقپارات بەرۋدىڭ ءتاسىلىن وزگەرتىپ، زاماناۋي فورماتقا كوشەمىز. بۇل سايت الەمنىڭ تۇكپىر- تۇكپىرىندەگى فارابيتانۋشىلار ءۇشىن اشىق سۇحبات الاڭى بولماق. ول Invisible College قاعيداتىنا نەگىزدەلگەن جانە ونلاين رەجىمىندە كەز كەلگەن ادام تىركەلسە، ونى تىڭداي الادى»، - دەدى سپيكەر.

بۇگىن ق ر مەملەكەتتىك حاتشىسى قىرىمبەك كوشەربايەۆ، ءبىلىم ءمينيسترى اسحات ايماعامبەتوۆ، مادەنيەت جانە سپورت ءمينيسترى اقتوتى رايىمقۇلوۆا، ب ۇ ۇ جانە يۋنەسكو، ي ى ۇ، قازاقستانداعى ديپلوماتيالىق ميسسيالاردىڭ وكىلدەرى، مەملەكەت جانە قوعام قايراتكەرلەرى، ج و و رەكتورلارى، عىلىمي ورتالىقتار مەن ع ز ي جەتەكشىلەرى، تانىمال شەتەلدىك جانە وتاندىق عالىمدار، وتاندىق جانە شەتەلدىك ب ا ق وكىلدەرى، وقىتۋشىلار مەن ستۋدەنتتەردىڭ قاتىسۋىمەن ءال- فارابي ورتالىعى سالتاناتتى تۇردە اشىلدى.


اۆتور: الما مۇقانوۆا

سوڭعى جاڭالىقتار