قىتايدا كوروناۆيرۋستىڭ ورشۋىنە بايلانىستى گونكونگتا الەۋمەتتىك نىساندار جابىلدى

گونكونگ. قازاقپارات - قىتايدىڭ ۋحان قالاسىندا كوروناۆيرۋستىڭ ورشۋىنە بايلانىستى گونكونگ بيلىگى جۇمىس بەرۋشىلەردەن ءوز قىزمەتكەرلەرىنە سارسەنبىدەن باستاپ ۇيدەن جۇمىس ىستەۋگە رۇقسات بەرۋدى سۇرادى.

بۇل تۋرالى قازاقپارات Hong Kong Free Press-كە سىلتەمە جاساپ حابارلايدى.

گونكونگتىڭ دەمالىس جانە مادەني قىزمەت دەپارتامەنتى سەيسەنبى كۇنى تاڭەرتەڭ مىناداي نىسانداردىڭ جابىلاتىنىن ەسكەرتتى: بارلىق سپورت ورتالىقتارى؛ سپورت الاڭدارى؛ فۋتبول الاڭدارى؛ تەننيس كورتتارى؛ سكۆوش ويىندارىنا ارنالعان الاڭدار؛ بوۋلينگ ويىندارىنا ارنالعان الاڭدار؛ گولف الاڭدارى، قوعامدىق باسسەيندەر؛ جاعاجايلار؛ Tuen Mun دەمالىس جانە سپورت ورتالىعى؛ سۋ سپورت تۇرلەرى ورتالىقتارى مەن دەمالىس لاگەرلەرى.

سونداي- اق، مادەني نىساندار - مۋزەيلەر، كونسەرت الاڭدارى، كىتاپحانالار مەن وقۋ بولمەلەرى، Music Office موبيلدىك كىتاپحاناسى مەن مۋزىكالىق ورتالىقتارى جابىلادى. T- Park سياقتى قورشاعان ورتانى قورعاۋ دەپارتامەنتىنىڭ نىساندارى دا جۇمىس ىستەمەيدى. بۇدان بولەك، ەكى اپتادان كەيىن گونكونگتا وتەتىن مارافون كوروناۆيرۋستىڭ ورشۋىنە بايلانىستى توقتاتىلدى. بۇل شارا 2 - اقپانعا دەيىن ەنگىزىلگەن.

«دەنساۋلىق ساقتاۋ مينيسترلىگىنىڭ دەنساۋلىق ساقتاۋ ورتالىعى قازىرگى ۋاقىتتا 451 ادام كوروناۆيرۋس جۇقتىرعانىن ءمالىم ەتتى. بيلىك سەگىز ادامنىڭ ىندەتكە شالدىققانىن راستادى. دۇيسەنبى كۇنگى مالىمەتتەر بويىنشا 276 ادامنىڭ كوروناۆيرۋسقا شالدىقپاعان بولىپ شىقسا، 167 ادام ءالى دە تەكسەرۋدەن وتۋدە»، - دەپ حابارلايدى Hong Kong Free Press.