+7 (701) 759 90 19
-5 °С : نۇر-سۇلتان
4 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

ا ق ش- تىڭ دەنساۋلىق ساقتاۋ سالاسى ماماندارى قىتايدى ارىپتەستىككە شاقىردى

29 قاڭتار 15:32
:ءبولىسۋ
ا ق ش- تىڭ دەنساۋلىق ساقتاۋ سالاسى ماماندارى قىتايدى ارىپتەستىككە شاقىردى

نۇر-سۇلتان. قازاقپارات – ا ق ش- تىڭ دەنساۋلىق ساقتاۋ سالاسى ماماندارى قاۋىپتى ۆيرۋسپەن كۇرەسىپ جاتقان بەيجىڭدى اشىقتىققا جانە ارىپتەستىككە شاقىردى.

قىتايدا كوروناۆيرۋس جىلدام تاراپ بارادى. سوڭعى دەرەك بويىنشا، كوروناۆيرۋستان كوز جۇمعاندار سانى 132 گە جەتتى، ونى جۇقتىرعاندار سانى 6000 عا جۋىقتادى.

28- قاڭتاردا ا ق ش- تىڭ دەنساۋلىق ساقتاۋ مينيسترلىگىنىڭ حاتشىسى الەكس ازار ۆاشينگتوننىڭ بەيجىڭگە كومەك ۇسىنعانىن حابارلادى.

«ءبىز قىتايدى ارىپتەستىككە جانە اشىقتىققا شاقىرامىز، ۆيرۋسپەن ءتيىمدى كۇرەسۋ ءۇشىن ەڭ قاجەتتىسى وسى» دەدى ازار.

دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) دەرەگىنشە، قىتايدان بولەك ونداعان مەملەكەتتە 45 ۆيرۋستى جۇقتىرۋ وقيعاسى تىركەلگەن. قىتايدان باسقا مەملەكەتتە ادام ءولىمى تىركەلمەگەن.

شەتەلدە نەگىزىنەن قىتاي تۋريستەرى نەمەسە جاقىن ارادا ۋحان قالاسىندا بولعان ادامداردان ۆيرۋس تابىلعان.

ازاردىڭ ايتۋىنشا، «ۆيرۋس جۇقتىرىپ، ءبىراق جازىلعان» ادامداردىڭ وزدەرىنەن ۆيرۋس تاراۋى مۇمكىن، قىتايدا بۇل دالەلدەنگەن. ونىڭ ايتۋىنشا، ا ق ش- تا بەس ادامنان ۆيرۋس تابىلعان. ا ق ش- تىڭ اۋرۋدى باقىلاۋ ورتالىعىنىڭ جەتەكشىسى روبەرت رەدفيلد «ا ق ش- تا ۆيرۋس تاراپ جاتقان جوق» دەدى.

كوروناۆيرۋستى جۇقتىرعان ادامدار گەرمانيا، شري-لانكا، مالايزيا، وڭتۇستىك كورەيا، تايۆان، تايلاند، كانادا، نەپال، ۆەتنام، ساۋد ارابياسى، سينگاپۋر، جاپونيا، ا ق ش، فرانسيا، اۆستراليادا كەزىككەن.

«ازاتتىق»


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات