+7 (701) 759 90 19
-1 °С : نۇر-سۇلتان
1 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

ترامپتىڭ تاياۋ شىعىس بويىنشا جوسپارىنا الەم ەلدەرى ءتۇرلى رەاكسيا ءبىلدىردى

29 قاڭتار 15:16
:ءبولىسۋ
ترامپتىڭ تاياۋ شىعىس بويىنشا جوسپارىنا الەم ەلدەرى ءتۇرلى رەاكسيا ءبىلدىردى

نۇر-سۇلتان. قازاقپارات – ا ق ش پرەزيدەنتى دونالد ترامپتىڭ 28- قاڭتاردا تاياۋ شىعىستاعى جاعدايدى رەتتەۋ بويىنشا تانىستىرعان جوسپارىن ەۋروپا مەن ب ۇ ۇ سالقىن قارسى الدى جانە كەيبىر مۇسىلمان ەلدەرى قولدامادى.

وعان سايكەس، تاۋەلسىز پالەستينا مەملەكەتى قۇرىلىپ، استاناسى شىعىس يەرۋساليم بولادى. بۇعان قوسا، ءبىرقاتار شارالار اتقارىلادى. كوبى مۇنى جۇزەگە اسىرۋ قيىن بولادى دەپ سانايدى.

پالەستينا اۆتونومياسىنىڭ پرەزيدەنتى ماحمۋد ابباس بەيبىت جوسپاردى سىناپ، «حالقىمىز ونى تاريحتىڭ قوقىس جاشىگىنە لاقتىرادى» دەدى.

ەۋروپا وداعىنىڭ سىرتقى ىستەر جونىندەگى وكىلى دجوزەف بوررەل جاڭالىقتى سالقىن قارسى الىپ، ەۋروپا وداعى ترامپتىڭ ۇسىنىسىن «زەرتتەپ باعالايدى» دەدى.

ماسكەۋ بۇل كەلىسىمدى «تاراپتاردىڭ رەاكتسياسىن ەسكەرىپ، دەتالىنە دەيىن تالداۋ كەرەك» دەدى. ماسكەۋدىڭ بۇعان بايلانىستى پىكىرىن فەدەراتسيا كەڭەسىنىڭ حالىقارالىق ىستەر جونىندەگى كوميتەت ءتوراعاسى كونستانتين كوساچيەۆ جەتكىزدى.

28- قاڭتاردا اق ۇيدە يزرايل پرەمەر-ءمينيسترى بينيامين نەتانياحۋدىڭ قاتىسۋىمەن وتكەن باسپا ءسوز جيىنى كەزىندە ا ق ش پرەزيدەنتى دونالد ترامپ بۇل بەيبىت جوسپار پالەستينالىقتار ءۇشىن «سوڭعى مۇمكىندىك بولۋى مۇمكىن» دەدى. ترامپ يەرۋساليمدى ءيزرايلدىڭ «اجىراماس» استاناسى ەتۋگە ۋادە بەردى. ونىڭ ويىنشا، شىعىس يەرۋساليم پالەستينانىڭ استاناسى بولۋى ءتيىس. ول سونىمەن بىرگە ەكى مەملەكەت قۇرۋ قاجەتتىگىن ايتىپ، بىردە ءبىر يزرايلدىق نەمەسە پالەستينالىق ۇيىنەن جىراق كەتپەيدى دەدى.

يزرايل، ا ق ش جانە ەۋروپا وداعىندا تەرروريستىك ۇيىم دەپ تانىلعان حاماس راديكالدىق توبىنىڭ باسشىلارى ترامپ پەن نەتانياحۋدىڭ مالىمدەمەسىنەن كەيىن ترامپتىڭ بەيبىت جوسپارىنان باس تارتتى. 28- قاڭتاردا كۇندىز مىڭداعان پالەستينالىق بۇل جوسپارعا نارازىلىق بىلدىرگەن.

«ازاتتىق»



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات