+7 (701) 759 90 19
0 °С : نۇر-سۇلتان
10 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

ادەبيەت جانە ونەر سالاسىنىڭ قايراتكەرلەرىنە مەملەكەتتىك ستيپەنديا بەرىلدى

29 قاڭتار 14:41
:ءبولىسۋ
ادەبيەت جانە ونەر سالاسىنىڭ قايراتكەرلەرىنە مەملەكەتتىك ستيپەنديا بەرىلدى

نۇر-سۇلتان. قازاقپارات - قىرىمبەك كوشەربايەۆ مادەنيەت سالاسى بويىنشا قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ 2019-جىلعى مەملەكەتتىك ستيپەندياسىن تابىستادى، دەپ حابارلايدى قازاقپارات.

قازاقستان رەسپۋبليكاسىنىڭ مەملەكەتتىك حاتشىسى قىرىمبەك كوشەربايەۆ مەملەكەت باسشىسىنىڭ تاپسىرماسى بويىنشا بەلگىلى مادەنيەت جانە ونەر قايراتكەرلەرىنە قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ 2019-جىلعى مادەنيەت سالاسىنداعى مەملەكەتتىك ستيپەندياسىن تابىس ەتتى.

مەملەكەتتىك ستيپەنديا قازاقستاننىڭ ادەبيەت پەن ونەر سالاسىنداعى 75 قايراتكەرىنە بەرىلدى.

جىل سايىن تاعايىندالاتىن بۇل ستيپەنديا - مەملەكەتتىڭ مادەنيەت جانە ونەر قايراتكەرلەرىنە، شىعارماشىلىق قىزمەتكەرلەرىنە، جاس دارىندارعا جاساعان قولداۋى مەن قامقورلىعىنىڭ ايعاعى، سونداي-اق، ولاردىڭ قازاقستاننىڭ مادەنيەتىن وركەندەتىپ، الەمگە تانىتۋعا قوسقان ۇلەستەرىنە كورسەتىلگەن قۇرمەت.

ق ر تۇڭعىش پرەزيدەنتى - ەلباسىنىڭ ستيپەندياسى ءابدىجامىل نۇرپەيىسوۆ، قايرات بايبوسىنوۆ، ءجۇرسىن ەرمانوۆ، مەرۋەرت وتەكەشەۆا، الەكساندر گاركاۆەتس، گۋلۆيرا رازيەۆا جانە باسقا دا قازاق ادەبيەتى مەن ونەرىنىڭ مايتالماندارىنا تابىستالدى.

سونىمەن قاتار كانن حالىقارالىق فەستيۆالىنىڭ لاۋرەاتى سامال ەسلاموۆاعا، اكتريسا اينۇر راحيپوۆاعا، بالەت ءارتىسى باقتيار ادامجانعا، اقىن قانات وماروۆقا، ءداستۇرلى مۋزىكا ونەرىنىڭ ورىنداۋشىسى مەدىعات ماناپوۆقا، كينو رەجيسسەرى فارحات شارىپوۆكە جانە وزگە دە جاس دارىندارعا مەملەكەتتىك قولداۋ كورسەتىلدى.


باستى سوزدەر: مادةنيةت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات