+7 (701) 759 90 19
-2 °С : نۇر-سۇلتان
5 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

زەينەتاقى جيناعىن پايدالانۋ بويىنشا جاس شەگىن بەكىتۋ ۇسىنىلدى

29 قاڭتار 14:58
:ءبولىسۋ
زەينەتاقى جيناعىن پايدالانۋ بويىنشا جاس شەگىن بەكىتۋ ۇسىنىلدى

نۇر-سۇلتان. قازاقپارات - ەلىمىزدە زەينەتاقى جيناعىن پايدالانۋ بويىنشا جاس شەگىن بەكىتۋ ۇسىنىلدى.

بۇل تۋرالى پارلامەنت سەناتىندا ءوتىپ جاتقان دوڭگەلەك ۇستەلدە ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتىپ بەردى، دەپ حابارلايدى قازاقپارات ءتىلشىسى.

«ءار جاسقا ءوزىنىڭ ءتيىستى قاجەتتى سوماسى بولادى. وسىدان اسقانىن الۋعا بولادى دەپ جاتىرمىز. مىسالى، 30 جاستاعى ەر ازاماتقا قاجەتتى زەينەتاقى سوماسى - 6,7 ميلليون تەڭگەنى قۇرايدى. سەبەبى، ونىڭ 33 جىلداي ءالى دە زەينەتكە جەتكەنشە جيناۋعا مۇمكىندىگى بار. ەلۋ جاستاعى ەر ادامعا 7,2 ميلليون تەڭگە. ال ەندى زەينەت جاسىنا جەتكەن ەر ازاماتقا 8,2 ميلليون تەڭگە»، - دەدى ءبىرجان نۇرىمبەتوۆ پارلامەنت سەناتىندا وتكەن دوڭگەلەك ۇستەل بارىسىندا.

مينيستر قازاقستاندىق زەينەتاقىلىق جۇيەگە سينگاپۋرلىق تاجىريبەنى ەنگىزۋ مۇمكىندىگىنە قاتىستى پىكىرىن ءبىلدىردى.

«ب ا ق قۇرالدارى زەينەتاقىلىق جيناق جۇيەسىنىڭ سينگاپۋرلىق مودەلى تۋرالى كوپ جازعانىن بىلەمىز. ءوز باسىم سينگاپۋرلىق تاجىريبەنى الەمدەگى ەڭ ۇزدىكتەردىڭ ءبىرى دەپ بىلەمىن. قازىرگى تاڭدا سينگاپۋردا زەينەتاقى جارنالارى ءۇش شوت بويىنشا بولىنەدى: نەگىزگى، ارنايى جانە مەديتسينالىق شوت. سينگاپۋر ازاماتى 55 جاسقا كەلگەن كەزدە نەگىزگى جانە ارنايى شوت زەينەتاقىلىق شوت بوپ بىرىكتىرىلەدى دە، جارنا ستاۆكاسى جاسىنا بايلانىستى وزگەرەدى. بۇل رەتتە ءبىر جايدى ايتا كەتكىم كەلەدى: جۇمىس توبىندا وسى ماسەلەنى تالقىلاعان كەزدە قازاقستاننىڭ زەينەتاقى جۇيەسىنە سينگۋپارلىق مودەلدى ەنگىزۋ - ەداۋىر پروبلەما تۋعىزاتىنىنا بايلانىستى ورتاق پايىمعا كەلدىك»، - دەدى ول.

ءبىرجان نۇرىمبەتوۆ نەلىكتەن ولاي ەكەنىن دە اتاپ ءوتتى.

«بىرىنشىدەن، ەكى ەلدە ستاۆكالار ءارتۇرلى. ماسەلەن، سينگاپۋردا زەينەتاقى ستاۆكاسى 37 پايىزدان اۋدارىلسا، بىزدە - 10 پايىز. سينگاپۋردا 55 جاسقا دەيىن جۇمىسشى 20 پايىزىن، جۇمىس بەرۋشى 17 پايىزىن اۋدارىپ وتىرادى. كەيىن ستاۆكالار وزگەرەدى. قازاقستاندا جۇمىسشى زەينەتاقى قورىنا 10 پايىزىن اۋدارادى. ال جۇمىس بەرۋشى ەشتەڭە اۋدارمايدى. ەكىنشىدەن، سينگاپۋردا ورتاشا جالاقى - 42,7 مىڭ دوللار. ياعني، ول جاقتا ايىنا 3,5 مىڭ دوللار زەينەتاقى قورىنا اۋدارىلادى. بىزدە ورتاشا جالاقى - 180 مىڭ تەڭگە. 10 پايىزدى اۋدارساق، 18 مىڭ تەڭگە اۋدارىپ وتىرامىز»، - دەدى مينيستر.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات