+7 (701) 759 90 19
0 °С : نۇر-سۇلتان
10 °С : الماتى
USD 381.10 EUR 420.81
RUB 5.65 CNY 54.57
جاڭالىقتار

قازاقستان مەن وزبەكستان اراسىنداعى زاڭسىز كوشى-قونمەن كۇرەستىڭ قادامدارى ايقىندالدى

29 قاڭتار 12:58
:ءبولىسۋ
قازاقستان مەن وزبەكستان اراسىنداعى زاڭسىز كوشى-قونمەن كۇرەستىڭ قادامدارى ايقىندالدى

نۇر-سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «قازاقستان ۇكىمەتى مەن وزبەكستان ۇكىمەتى اراسىنداعى زاڭسىز كوشى-قونعا قارسى كۇرەستەگى ىنتىماقتاستىق تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.

كەلىسىمگە 2019-جىلى ساۋىردە تاشكەنت قالاسىندا ەكى ەل سىرتقى ىستەر مينيسترلەرى قول قويدى. كەلىسىمدى راتيفيكاتسيالاۋ كوشى اعىندارىن رەتتەۋ، ازاماتتاردىڭ ماسەلەلەرىن شەشۋ جانە زاڭسىز كوشى-قون جەلىلەرىن انىقتاۋ ءۇشىن قولايلى جاعدايلار جاسايدى.

«وسى كەلىسىم قوس ازاماتتىققا جانە زاڭسىز كوشى-قونعا قارسى كۇرەس جۇرگىزۋدە ەرەكشە ورىن الادى، سونداي-اق ۇلتتىق قاۋىپسىزدىكتى قامتاماسىز ەتۋگە باعىتتالعان. كەلىسىمگە سايكەس، وزبەكستان ازاماتتارىنىڭ ءتول قۇجاتتارىن جولداۋ ءتارتىبى رەتتەلگەن. ەندى قانداستارىمىزدىڭ وزبەكستان ەلشىلىگىنە بارىپ، ءتول قۇجاتتارىن تاپسىرۋى جانە كونسۋلدىق تولەم تولەۋى قاجەت ەمەس بولادى. ق ر كونستيتۋتسياسىنىڭ 10-بابى ءۇشىنشى تارماعىنا سايكەس، رەسپۋبليكا ازاماتىنىڭ باسقا مەملەكەتتىڭ ازاماتتىعىندا بولۋى تانىلمايدى. وزبەكستان رەسپۋبليكاسى دا قوس ازاماتتىققا جول بەرمەيدى»، - دەدى ق ر ىشكى ىستەر ءمينيسترىنىڭ ءبىرىنشى ورىنباسارى مارات قوجايەۆ.

ونىڭ سوزىنە قاراعاندا، وزبەك تاراپى كەلىسىمدى راتيفيكاتسيالاۋ ءتارتىبىن اياقتادى.

«وسى قۇجاتتى قابىلداۋ ازاماتتىق ماسەلەلەر بويىنشا اقپاراتپەن الماسۋ، قوس ازاماتتىق جانە زاڭسىز كوشى-قونعا قارسى كۇرەستە تۋىنداعان ماسەلەلەردى رەتتەۋگە مۇمكىندىك بەرەدى»، - دەدى ءمينيستردىڭ ءبىرىنشى ورىنباسارى.

م. قوجايەۆتىڭ ايتۋىنشا، 2014-جىلدان بەرى وسىنداي 14 كەلىسىم ازىرلەندى. ونىڭ ىشىندە ءبىرقاتارىنا قول قويىلدى، ياعني قىرعىزستانمەن، تاجىكستانمەن، وزبەكستانمەن، بەلارۋسپەن بەكىتىلدى. سونىمەن قاتار، بيىل ارمەنيامەن ارادا ءتيىستى قۇجاتقا قول قويۋ جوسپارلانىپ وتىر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات