عالىمدار كوروناۆيرۋس كارتاسىن جاسادى

نۇر-سۇلتان. قازاقپارات - دجونس حوپكينس اتىنداعى امەريكالىق ۋنيۆەرسيتەت قىتايدان تاراپ جاتقان كوروناۆيرۋس ينفەكتسياسىنىڭ ونلاين- كارتاسىن جاسادى.

كارتا كوروناۆيرۋستىڭ قىتايدا جانە ودان تىس مەملەكەتتەردە تارالۋ ايماعىن دۇنيەجۇزىلىك دەنساۋلىق ساقتاۋ ۇيىمى، قىتاي دەنساۋلىق ساقتاۋ كوميسسياسى جانە وزگە دەرەكتەر بويىنشا جاڭارتىپ وتىرادى. كارتادان ۆيرۋس بەلەڭ العان ءىرى ايماقتاردى، كوز جۇمعان ادامدار مەن ۆيرۋستى جۇقتىرعان ادامدار سانىن كورۋگە بولادى. «ءبىز بۇل اقپاراتتىق پانەلدى سيتۋاتسيانىڭ قانشالىقتى ماڭىزدى ەكەنىن جۇرت ءبىلسىن دەپ جاسادىق. بۇل - زەرتتەۋشىلەر ءۇشىن دە وتە قۇندى دەرەكتەر قورى»، - دەيدى لورەن گاردنەر.

قىتاي بيلىگىنىڭ مالىمەتىنشە، بەيجىڭدەگى 9 ايلىق قىز - ۆيرۋستى جۇقتىرعانداردىڭ ىشىندەگى ەڭ جاس ادام. ۆيرۋس قىتايدان بولەك گونكونگ، ماكاو، تايلاند، جاپونيا، وڭتۇستىك كورەيا، اقش، مالايزيا، فرانتسيا، سينگاپۋر، اۋستراليا، ۆەتنام مەن نەپالعا دا تاراعان. قازاقستان پرەزيدەنتى قاسىم- جومارت توقايەۆ بۇل دەرتتىڭ قازاقستان اۋماعىنا تارالۋىنا جول بەرمەۋ ءۇشىن ۇيىمداستىرۋ شارالارىن تاپسىردى. ال دەنساۋلىق ساقتاۋ مينيسترلىگىندە كوروناۆيرۋسقا قاتىستى سۇراقتار بويىنشا بايلانىس ورتالىعى قۇرىلدى. ق ر دەنساۋلىق ساقتاۋ مينيسترلىگىنىڭ 1406, 7 7172768043 بايلانىس- ورتالىعىنا ازاماتتار تاۋلىك بويى حابارلاسىپ، كوروناۆيرۋس ينفەكتسياسىنا قاتىستى كەز كەلگەن ساۋالىن قويا الادى جانە الدىن الۋ شارالارى مەن اۋرۋدىڭ سيمپتومدارى جايلى بىلۋىنە بولادى.

Massaget.kz