+7 (701) 759 90 19
-5 °С : نۇر-سۇلتان
6 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

د د س ۇ باسشىسى: قىتايدىڭ قابىلداعان شارالارى ەپيدەميانىڭ تاراماۋىنا سەپ بولادى

29 قاڭتار 10:50
:ءبولىسۋ
د د س ۇ باسشىسى: قىتايدىڭ قابىلداعان شارالارى ەپيدەميانىڭ تاراماۋىنا سەپ بولادى

بەيجىڭ. قازاقپارات - دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) باس ديرەكتورى تەدروس ادانوم گەبرەيەسۋس بەيجىڭدە ق ح ر باسشىلىعىمەن كەزدەسۋ بارىسىندا قىتايدىڭ جاڭا كوروناۆيرۋس ينفەكتسياسىنىڭ تارالۋىن تەجەۋگە قاۋقارلى ەكەنىنە سەنىم ارتتى، دەپ حابارلايدى قازاقپارات.

د د س ۇ باسشىسىنىڭ ايتۋىنشا، قىتاي ۇكىمەتى ەپيدەميا جاعدايىندا ۋاقىتىلى جانە ءتيىمدى شارالار قابىلداعان.

«بۇل شارالار تيىمدىلىگىن كورسەتەتىنە جانە قىتاي وسى ەپيدەميانى جەڭەتىنىنە سەنىمدىمىن» ، - دەپ مالىمدەدى ول.

كوروناۆيرۋستىڭ جاڭا ۇلگىسىنىڭ وشاعىنا اينالعان حۋبەي پروۆينتسياسىنا قىتايدىڭ ءتۇرلى قالالارىنان التى مىڭ مەديتسينا قىزمەتكەرى جىبەرىلگەن. ۋحان قالاسىندا «10+10» جۇيەسى قولدانىلىپ جاتىر. ول بويىنشا، ءىرى ون اۋرۋحانا جوعارى بىلىكتى قىزمەتكەرلەرىن، تەحنولوگيالارى مەن جابدىقتارىن شاعىن ون مەديتسينالىق مەكەمەگە بەرەدى. ال، شاعىن مەديتسينالىق مەكەمەلەر عيماراتتارىن بەرىپ، جاتاتىن ورىندار ازىرلەيدى.

ۋحاندا ۆيرۋستىق ينفەكتسيا جۇقتىرعان ناۋقاستاردى قابىلداۋ ءۇشىن ەكى ءىرى مامانداندىرىلعان اۋرۋحانا سالىنىپ جاتىر. ول 2300 ورىنعا ارنالعان. قالاداعى بارلىق ارنايى ەمحانالار تاۋلىك بويى جۇمىس ىستەپ جاتىر. قابىلدانعان جانە قارالعان ناۋقاستار سانى كۇنىنە ون مىڭ ادامنان اسادى.

سوڭعى تاۋلىكتە قىتايدىڭ 31 پروۆينتسياسىندا، اۆتونومدى اۋداندار مەن قالالاردا ىندەت جۇقتىرعاندار سانى 1459 ادامعا ارتتى. قازا تاپقاندار سانى - 26 ادام (حۋبەي پروۆينتسياسىندا - 25, حەناندا - 1) ، اۋرۋحانادان 43 ادام ەمدەلىپ شىقتى. ال، 3248 ادام (تيبەتتە ءبىر ادام) كوروناۆيرۋس جۇقتىردى دەگەن كۇدىك كەلتىرۋدە.

بۇكىل الەمگە 2003 -جىلى ورشىگەن اتيپيالىق پنيەۆمونيامەن كۇرەسكە ۇلەس قوسۋ ارقىلى تانىمال بولعان ق ح ر ينجەنەرلىك اكادەمياسىنىڭ اكادەميگى جۋن نانشان «شينحۋاعا» بەرگەن سۇقباتىندا «ەپيدەميا ءبىر اپتا- ون كۇننەن كەيىن ۇدەمەلى كەزەڭگە جەتىپ، ءارى قاراي ءىرى اۋقىمدى قامتىماۋى ءتيىس ەكەنىن» جەتكىزدى.

سوڭعى دەرەك بويىنشا، قىتايدا كوروناۆيرۋس جۇقتىرعاندار سانى 5974 ادامدى قۇراعان. 132 ادام كوز جۇمسا، 103 ناۋقاس ەمدەلىپ شىققان.

اۆتور: رۋسلان سۇلەيمەنوۆ



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات