قىتايدا كوروناۆيرۋستىڭ تارالۋى ۋشىعا ءتۇسۋى مۇمكىن

نۇر- سۇلتان. قازاقپارات - قىتايدا الداعى 1 اپتانىڭ ىشىندە كوروناۆيرۋس ىندەتىنىڭ ءورشۋى كۇشەيەدى. جەرگىلىكتى بيلىك وسىلاي دەپ مالىمدەدى.

قازىر دەرتتى جۇقتىرعاندارمەن بايلانىسقا تۇسكەن 44 مىڭنان استام ادام دارىگەرلەردىڭ ءجىتى باقىلاۋىندا. ماماندار 1 ناۋقاستان دەرتتىڭ 2-3 ادامعا جۇعىپ، ونى جەڭىل جۇقتىرعان ادامنىڭ ەمدەلۋىنە 7 كۇن، ال اۋىر حالدەگى كىسىنىڭ جازىلۋىنا 2 اپتاداي ۋاقىت كەتەتىنىن ايتادى. بۇدان بولەك ناۋقاس دەرتتەن ايىققان سوڭ دا قورشاعان ورتاعا قاۋىپسىزدىگى تەكسەرىلۋى ءتيىس دەيدى.

جاڭا دەرتكە كەز كەلگەن ادام شالدىعۋى مۇمكىن. سوندىقتان ۆيرۋستىڭ جاسوسپىرىمدەر اراسىندا تارالۋ ىقتيمالدىعىن جوققا شىعارمايمىز. وسىعان بايلانىستى پروفيلاكتيكالىق جۇمىستارعا دەن قويىلىپ جاتىر. بالالاردى ۇنەمى باقىلاپ، ولاردىڭ قورعانىش ماسكالارىن دۇرىس كيۋى مەن تازالىق شارالارىن ساقتاۋىن قاداعالۋىمىز كەرەك، - دەدى قىتايدىڭ اۋرۋلاردى باقىلاۋ جانە ەمدەۋ ورتالىعىنىڭ قىزمەتكەرى جين گۋان.