كوزدەرىڭىزدى ۋقالاماڭىزدار: قىتايلىق كوروناۆيرۋستى جۇقتىرۋدىڭ جاڭا تاسىلدەرى ايتىلدى
سوزىنشە، ادامدارمەن جاقىن قارىم- قاتىناستى ازايتىپ، مەديتسينالىق بەتپەردە كيىپ جۇرگەن دۇرىس. سىرقاتتىڭ اۋا ارقىلى ءجيى تارالاتىنمەن قوسا، ۆيرۋستى لاس قولمەن كوزدى ۋقالاۋ ارقىلى دا جۇقتىرىپ الۋعا بولادى ەكەن.
«ەڭ العاشىندا اۋرۋدىڭ قۇرعاق جوتەل، السىزدىك جانە دەنە قىزۋى سياقتى بەلگىلەرى بايقالۋى مۇمكىن. دەرتتىڭ اۋىر تۇرىنە شالدىققاندار ءتىپتى دۇرىس تىنىس الا الماي، ەگەر ۆيرۋس باسقا اۋرۋلارعا قوسىلسا، جاعدايلارى اسقىنىپ كەتۋى دە عاجاپ ەمەس»، - دەيدى سينۆان.
ءبىراق قۇرعاق جوتەل مەن دەنە قىزۋى سىرقاتتىڭ نەگىزگى سيمپتومدارى دەيدى ينفەكتسيونيست- مامان. ول اۋرۋدىڭ باستاپقى فازاسىمەن اۋىرعانداردىڭ ءوزى ىندەتتى جاپپاي تاسىمالداۋشىعا اينالۋى مۇمكىن ەكەندىگىن دە قوستى.
لي سيۆنۆاننىڭ ايتۋىنشا، ۆيرۋستىڭ جەڭىل ءتۇرىن جۇقتىرعانداردىڭ ەمى ءبىر- ەكى اپتاعا، ال اۋىر تۇرىنە شالدىققاندار ەم شارالارىنا ەكى اپتادان كوپ ۋاقىت جۇمسايدى ەكەن.