ينسۋلتتەن كەيىن قالاي قالىپقا كەلۋگە بولادى
شەتەلدىك ارىپتەستەردىڭ تاجىريبەسىن ۇيرەنۋگە قازاقستاننىڭ بارلىق ايماقتارىنان دارىگەرلەر كەلدى، دەپ حابارلايدى قازاقپارات ءتىلشىسى.
وڭتۇستىك كورەيا مەن قازاقستاندىق دارىگەرلەر، ينسۋلتتان كەيىن قالاي وڭالۋعا، سەرەبرالدى سال اۋرۋىن ناۋقاسقا زيان كەلتىرمەستەن قالاي ەمدەۋگە بولادى دەگەن ساۋالعا بىرگە جاۋاپ ىزدەدى.
«قازىر ورتوپەديالىق جانە پەدياتريالىق رەابيليتاتسيا، ينسۋلتتان كەيىن وڭالتۋ قىزمەتتەرى قازاقستاندا كەڭىنەن تانىمال، وڭالتۋعا دەگەن سۇرانىس كوپ. سوندىقتان ءبىز تەك الماتى مەن نۇر- سۇلتاننان عانا ەمەس، سونىمەن قاتار باسقا قالالاردان كەلگەن دارىگەرلەردىڭ بىلىكتىلىگى مەن ءبىلىمىن ارتتىرۋدى ۇيعاردىق. 193 قازاقستاندىق مامان بەس كۇن قاتارىنان پروفەسسورلاردان ءدارىس الدى. ءبىزدىڭ وقىتۋشىلارىمىز تۋرالى قىسقاشا ايتساق: وڭتۇستىك كورەيادا فيزيوتەراپيەۆتەر قاۋىمداستىعى بار، بۇل وتە مىقتى ساراپشىلارمەن تانىمال ۇيىم، ءدال سول جەردەن ءبىزدىڭ وقىتۋشىلار كەلدى، وسى قاۋىمداستىقتىڭ پرەزيدەنتى دە ماستەر- كلاسستارعا قاتىستى. ماستەر كلاسس بارىسىندا بولىمشەلەردەن پاتسيەنتتەردى الىپ كەلىپ، ناقتى مىسالدا دياگنوستيكا، ەمدەۋ جانە وڭالتۋ ادىستەرىن كورسەتتى» ، - دەيدى №1 الماتى قالالىق كلينيكالىق اۋرۋحانانىڭ نەيرووڭالتۋ ءبولىمىنىڭ مەڭگەرۋشىسى ءامينا سەيدانوۆا
ناۋقاستاردى قوزعالىس بەلسەندىلىگى جانە ينسۋلتتان كەيىن سەرۋەندەۋدى قالپىنا كەلتىرۋ قىزىقتىردى، وڭتۇستىك كورەيانىڭ پروفەسسورلارى لي گەن حي، پاك كانگ- حي جانە پاك حەن سيك بارلىق سۇراقتارعا جان- جاقتى جاۋاپ بەردى.
«2013 -جىلدان باستاپ جەتى جىل ىشىندە Severance - KZ حالىقارالىق مەديتسينالىق قورى قازاقستاندا ماستەر- كلاستار، سەمينارلار، دارىستەر وتكىزىپ كەلەدى، ءبىز شەتەلدىك عالىمداردى، اتاقتى دارىگەرلەردى شاقىرامىز، ولاردىڭ مول تاجىريبەسىن ءبىزدىڭ ماماندارمەن بولىسەمىز. ءسىز ەۋروپا مەن يزرايلگە ساياحاتتاپ، قىمبات قۇرىلعىلاردا فيزيوتەراپيادان وتە الاسىز، ءبىراق مەنىڭ ويىمشا، ەشقانداي ماشينا ادامدى، دارىگەردى الماستىرا المايدى. وڭتۇستىك كورەيالىقتاردىڭ ادىستەرىنىڭ تيىمدىلىگى مەن قۇپيالىلىعىنىڭ اسەرىنەن ولار قولدارىمەن جۇمىس ىستەيدى، ياعني ناۋقاستىڭ دەنەسى مەن بۇلشىقەتىنە فيزيكالىق اسەر ەتەدى، تەك ادام باسقا ادامنىڭ اۋىرسىنۋىن سەزىنەدى جانە ونى تەراپيانىڭ كومەگىمەن الىپ تاستايدى. شەتەلدىك پروفەسسورلار بۇگىنگى تاڭدا بىزگە جاقسى جاڭالىقتارىمەن ءبولىستى» ، - دەيدى لاريسا ان، «Severance - KZ» قورىنىڭ پرەزيدەنتى.
دارىگەرلەردىڭ ايتۋىنشا، قازاقستاندا ينسۋلتتان كەيىن دۇرىس قالپىنا كەلمەگەن كوپتەگەن ناۋقاستار بار، وسىلايشا مۇگەدەكتىك دەڭگەيى جوعارىلايدى. تاجىريبە كورسەتكەندەي، جۇيەلى، كەشەندى ءتاسىل ينسۋلت العان ادامعا دياگنوزدى ۇكىممەن تەڭەستىرمەي، تولىققاندى، ساپالى ءومىر سۇرۋگە كومەكتەسەدى.
№1 قالالىق كلينيكالىق اۋرۋحانانىڭ بازاسىندا نەيرورەابيليتاتسيا ءبولىمى بار. بۇل الماتى قالاسى مەن الماتى وبلىسىنداعى جالعىز تەحنيكالىق جانە عىلىمي بازا. ول 2006 -جىلى تەراپيەۆتىك جانە پروفيلاكتيكالىق ماقساتتا قۇرىلعان. مۇندا بىلىكتى مامانداندىرىلعان مەديتسينالىق كومەك كورسەتىلەدى، ونىڭ ىشىندە مىندەتتى مەديتسينالىق ساقتاندىرۋ جۇيەسى اياسىندا اقىلى قىزمەت تۇرىندەگى وڭالتۋ دا بار.
«كلينيكانىڭ ەرەكشەلىگى مينەرالدى سۋدى جانە ەمدىك بالشىقتىڭ جەر استى كوزىن پايدالانادى. وندا چەرنوبىل مەن سەمەي پوليگونىندا زارداپ شەككەندەر ەمدەلۋدە» ، - دەپ قورتىندىلادى ءامينا سەيدانوۆا.