قايرات كەلىمبەتوۆ «استانا» مەن «دۋباي» قارجى ورتالىقتارىنىڭ ۇقساستىعى تۋرالى ايتتى

دۋباي. قازاقپارات - «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ مەملەكەت باسشىسى قاسىم- جومارت توقايەۆتىڭ بىرىككەن اراب امىرلىكتەرىنە رەسمي ساپارىنىڭ قورىتىندىسى تۋرالى ايتتى، دەپ حابارلايدى قازاقپارات ءتىلشىسى.

پرەزيدەنتپەن بىرگە قازاقستاندىق دەلەگاتسيا دۋبايدىڭ حالىقارالىق قارجى ورتالىعىنا بارعان ەدى.

«بۇل ساپار بارىسىندا دۋبايدا جۇمىس جاسايتىن تاياۋ شىعىس ايماعىنداعى كوپتەگەن كومپانيالار ق ر ۇكىمەتىنىڭ جالپى 40 ميلليارد ا ق ش دوللارى كولەمىندە ۇسىنعان كەلىسىمشارتتار اياسىندا جۇمىس ىستەۋگە نيەتتى ەكەندىكتەرىن ءبىلدىردى. الايدا ولار كەلىسىمشارتتا كورسەتىلگەن تولىق سوماعا ەمەس، كەيبىر جوبالارعا قىزىعۋشىلىق تانىتتى. ولار قازاقستاندا جۇمىس ىستەۋگە دايىن» ، - دەدى قايرات كەلىمبەتوۆ جۋرناليستەردىڭ سۇراعىنا جاۋاپ بەرىپ.

سونداي- اق، ا ح ق و باسقارۋشىسى مەملەكەت باسشىسى وسى ەلدىڭ بيزنەسمەندەرىمەن كەزدەسۋى بارىسىندا ولارعا ا ح ق و الاڭى ارقىلى جۇمىس جاساۋدى ۇسىنعانىن اتاپ ءوتتى.

«مەنىڭ ويىمشا، بۇل وتە جاقسى باستاما، ءبىز ولارعا ءوز پلاتفورمامىزدى ۇسىنا الامىز. دۋباي ينۆەستورلارى وزدەرىنىڭ قارجى ورتالىقتارىنىڭ قالاي جۇمىس ىستەيتىنىن جاقسى بىلەدى جانە ول مۇمكىندىكتى بىزدەن دە پايدالانا الادى. حالىقارالىق قارجى ورتالىعىنان باسقا، مۇندا ءتۇرلى تاۋارلارمەن، ماسەلەن المازبەن، التىنمەن، مۇناي مەن گاز سياقتى تاۋارلارمەن ساۋدا جاساۋعا ارنالعان ءىرى پلاتفورما بار. ورتالىق ازيا وڭىرىندە وسىنداي ۇلگىدە ساۋدا جاساۋ الاڭىن قۇرۋ ءۇشىن ءبىز كۇش- جىگەرىمىزدى بىرىكتىرۋ قاجەتتىلىكتەرى ايتىلۋدا. دۋباي ۇكىمەتى ازيانى باسقا قۇرلىقتارمەن، افريكامەن، لاتىن امەريكاسىمەن بايلانىستىراتىن جىبەك جولى ايماعى ءۇشىن وسىنداي ونلاين- حاب قۇرۋ تۋرالى ۇلكەن باستامامە كوتەرۋدە. ءوز كەزەگىمىزدە ءبىز دە دۋباي مەن ورتالىق ازيا ايماقتارى اراسىندا ءوزارا ءتيىمدى قارىم- قاتىناس ورناتقىمىز كەلەدى» ، - دەپ تولىقتىردى ول.

ەسكە سالا كەتسەك، 27 - قاڭتاردا مەملەكەت باسشىسى قاسىم- جومارت توقايەۆ بىرىككەن اراب امىرلىكتەرىنە رەسمي ساپارمەن كەلدى.

ساپار اياسىندا ق ر پرەزيدەنتى ءابۋ- دابيدىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەستى.

كەزدەسۋدە مەملەكەت باسشىسى ديپلوماتيالىق قارىم- قاتىناس ورناعان 28 جىلدىڭ ىشىندە نۇر- سۇلتان مەن ءابۋ- دابي ىنتىماقتاستىقتى بەكەمدەي وتىرىپ، اشىق ءارى مازمۇدى ديالوگ ورناتقانىن ءمالىم ەتتى. سونداي- اق، قاسىم- جومارت توقايەۆ ءابۋ- دابيدەگى شەيح زايد مەشىتىنە باردى.