بۇرقاسىن، قار، كوكتايعاق - سارسەنبىگە ارنالعان اۋا رايى
قازاقستان اۋاماعىنىڭ باسىم بولىگىنە انتيسيكلون اسەر ەتەدى، وسىعان بايلانىستى وڭتۇستىگىندە، باتىسىندا جانە سولتۇستىك- باتىسىندا جاۋىن- شاشىنسىز اۋا رايى كۇتىلەدى.
ق ر شىعىسى مەن ورتالىعى سيكلون اسەرىندە بولعاندىقتان، اتموسفەرالىق اۋا اعىنداردىڭ وتۋىنە بايلانىستى قار جاۋادى. كەي جەرلەردە تۇمان، كوكتايعاق، بۇرقاسىن، جەلدىڭ كۇشەيۋى ساقتالادى.
جامبىل وبلىسىنىڭ كەي جەرلەرىندە تۇمان، كوكتايعاق، جاياۋ بۇرقاسىن كۇتىلەدى، تۇندە جەلدىڭ كۇشى كەي جەرلەردە 15-20 م/س كۇشەيەدى.
قاراعاندى، پاۆلودار، شىعىس قازاقستان وبلىستارىنىڭ كەي جەرلەرىندە تۇمان، تۇندە بۇرقاسىن كۇتىلەدى، تۇندە جەل 15-20, كەي جەرلەردە جەل 23-28 م/س جىلدامدىقپەن سوعادى.
اقمولا وبلىسىنىڭ كەي جەرلەرىندە تۇمان، تۇندە بۇرقاسىن كۇتىلەدى، جەل تۇندە كەي جەرلەردە 15-20 م/س كۇشەيەدى.
ماڭعىستاۋ وبلىسىنىڭ كەي جەرلەرىندە تۇمان ءتۇسىپ، جەل 15-20 م/س جىلدامدىقپەن سوعادى.
الماتى، قىزىلوردا، تۇركىستان، باتىس قازاقستان، قوستاناي، سولتۇستىك قازاقستان وبلىستارىنىڭ كەي جەرلەرىندە تۇمان تۇسەدى.