قازاقستان پرەزيدەنتى دۋباي بيلەۋشىسى شەيح مۇحاممەد بەن راشيد ءال ماكتۋممەن كەزدەستى

None
None
دۋباي. قازاقپارات - قازاقستان پرەزيدەنتى قاسىم- جومارت توقايەۆ بىرىككەن اراب امىرلىكتەرىنىڭ ۆيتسە- پرەزيدەنتى، پرەمەر- ءمينيسترى، دۋباي بيلەۋشىسى شەيح مۇحاممەد بەن راشيد ءال ماكتۋممەن كەزدەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

اڭگىمەلەسۋ بارىسىندا ەكى ەلدىڭ وڭىرلىك جانە جاھاندىق دەڭگەيدەگى سەرىكتەستىك ماسەلەلەرى تالقىلاندى.

مەملەكەت باسشىسى دۋبايدىڭ الەمدەگى ءىرى قارجى جانە تۋريستىك ورتالىقتاردىڭ بىرىنە اينالۋىنا ىقپال ەتكەن رەفورمالارعا جوعارى باعا بەردى.

تاراپتار سيفرلىق ەكونوميكا، ەلەكتروندىق كوممەرتسيا، زاماناۋي ينفراقۇرىلىم، جاساندى ينتەللەكت، قارجىلىق قىزمەت كورسەتۋ ءىسى، ينۆەستيتسيا، تۋريزم يندۋسترياسى، قۇرىلىس پەن كولىك سالالارىنداعى ىنتىماقتاستىقتىڭ پەرسپەكتيۆالارىن قاراستىردى.

مەملەكەت باسشىسى قازاقستاننىڭ بىرىككەن اراب امىرلىكتەرىمەن اراداعى ەكىجاقتى ىنتىماقتاستىقتى نىعايتۋدىڭ ماڭىزدىلىعىن اتاپ ءوتىپ، بىرلەسكەن بيزنەس- جوبالاردىڭ ىسكە اسىرىلۋىنا تىڭ سەرپىن بەرۋگە نيەتتى ەكەنىن جەتكىزدى.


- ءبىزدىڭ ەلىمىز تۋريزمنىڭ جاھاندىق تاريحپەن بايلانىستى قىزمەتتەرىن ىلگەرىلەتۋگە دايىن. مىسال رەتىندە التىن وردانى الۋعا بولادى. وسىعان وراي ىشكى تۋريزمدى دامىتۋداعى، ونى ساياحاتشىلار ءۇشىن تارتىمدى باعىت ەتۋدەگى امىرلىكتەردىڭ تۋريستىك بيزنەستى جۇرگىزۋ تاجىريبەسى بىزگە وتە ماڭىزدى، - دەدى قاسىم- جومارت توقايەۆ.

شەيح مۇحاممەد ءال ماكتۋم امىرلىكتەردىڭ ەكونوميكانىڭ ءارتۇرلى سەكتورلارىن دامىتۋ جونىندەگى تاجىريبەلەرى مەن بىلىمدەرىن قازاقستانمەن بولىسۋگە دايىن ەكەنىنە توقتالدى. سونىمەن قاتار ول قاسىم- جومارت توقايەۆقا دۋبايدىڭ «ەكسپو-2020» دۇنيەجۇزىلىك كورمەسىنە دايىندىق بارىسى تۋرالى ايتتى.

سوڭعى جاڭالىقتار