جاپونيا تۇرعىنى قىتاي تۋريستەرىنەن كوروناۆيرۋس جۇقتىرعان

None
None
توكيو. قازاقپارات - جاپونيا ۇكىمەتى سەيسەنبى كۇنى قىتايلىق جاڭا كوروناۆيرۋستى جۇقتىرعان تاعى ەكى ادامنىڭ انىقتالعانىن مالىمدەدى.

ونىڭ ءبىرى - ۋحان قالاسىنا ەشقاشان بارماعان تۋريستىك اۆتوبۋستىڭ جۇرگىزۋشىسى، دەپ حابارلايدى قازاقپارات Kyodo اگەنتتىگىنە سىلتەمە جاساپ.

جاپونيا دەنساۋلىق ساقتاۋ ءمينيسترى كاتسۋنوبۋ كاتونىڭ ايتۋىنشا، ايدىڭ باسىندا 60 جاستاعى تۋريستىك اۆتوبۋس جۇرگىزۋشىسى ۋحاننان كەلگەن ءبىر توپ تۋريستەردى الىپ جۇرگەن.

باتىس جاپونيانىڭ نارا پرەكفەكتۋراسىندا تۇراتىن جۇرگىزۋشىگە سەنبى كۇنى پنيەۆمونيا دەگەن دياگنوز قويىلىپ، ەمحاناعا جاتقىزىلدى.

ەكىنشى ازامات - 40 جاستاعى ۋحان تۇرعىنى. ول 20 - قاڭتاردا جاپونياعا كەلگەن. ول دا وكپە اۋرۋىنا شالدىققان.

وسىلايشا، جاپونيادا ينفەكتسيا جۇقتىرعاندار سانى التى ادامعا جەتتى، ونىڭ بىرەۋى ۋحان قالاسىنا بارماعان.

مينيسترلىك ەكى جاڭا ناۋقاسپەن بايلانىستا بولعان ادامداردىڭ دەنساۋلىعىن تەكسەرىپ جاتقانىن ءمالىم ەتتى.

سوڭعى جاڭالىقتار