قىتايداعى كوروناۆيرۋسقا بايلانىستى اۋرۋحاناعا تۇسكەن ناۋقاستاردىڭ سىناما ناتيجەلەرى ءۇش كۇندە انىقتالادى
بۇل تۋرالى قازاقستاننىڭ باس سانيتارلىق دارىگەرى جانداربەك بەكشين ايتتى، دەپ حابارلايدى قازاقپارات ءتىلشىسى.
« ءبىزدىڭ ماماندارىمىز تۇماۋدى، سۋىق ءتيۋدى، جرۆي-دى بولدىرماۋ، كوروناۆيرۋستى انىقتاۋ ءۇشىن ناۋقاستان سىناما الا الادى. قازىرگى ۋاقىتتا ەلىمىزدىڭ 2 جەرىندە، الماتى مەن نۇر- سۇلتاندا بيوتەحنولوگيا عالىمدارىمەن بىرلەسىپ، وتاندىق دياگنوستيكا قويۋ ادىستەرىن ازىرلەۋدەمىز. اۋرۋحاناعا ءتۇسىپ جاتقان ناۋقاستاردىڭ سىنامالارىن ءوزىمىزدىڭ زەرتحانالارعا جىبەرەمىز. ول ءۇش كۇندە انىقتالادى. قيىنشىلىق تۋسا، وندا ءبىزدىڭ الگوريتمگە سايكەس، دۇنيەجۇزىلىك دەنساۋلىق ساقتاۋ ۇيىمى بەكىتكەن زەرتحاناعا سىنامالاردى جىبەرەمىز» ، - دەدى باس سانيتارلىق دارىگەر.
بۇعان قوسا، ونىڭ ايتۋىنشا، ەلىمىزدىڭ دەنساۋلىق ساقتاۋ مينيسترلىگى رەسەيدەگى ارىپتەستەرىمەن قاجەت بولعان جاعدايدا سىنامالاردى ماسكەۋ مەن ءنوۆوسىبىر قالالارىنداعى زەرتحانالارعا جىبەرۋگە كەلىسكەن. جالپى، باس سانيتارلىق دارىگەر قاڭتاردىڭ 30 ىنا دەيىن وتاندىق دياگنوستيكالاۋ ءادىسى دايىندالاتىندىعىن اتاپ ءوتتى.
«قىتايدان كەلگەن ازاماتتارىمىز جانە شەتەلدىكتەردىڭ ءبارى ەسەپكە الىندى. سەبەبى وسى كەلگەن وتانداستارىمىزدان جانە شەتەلدىكتەردەن جرۆي، تۇماۋ بەلگىلەرىن انىقتاۋ، ونى تولىق زەرتتەپ، دياگنوز قويۋمىز كەرەك. مۇنداي اۋرۋ شىقسا، وندا ونى تەز ارادا انىقتاپ، وقشاۋلاۋىمىز قاجەت. سوندا قوعامىمىزدى قورعايمىز» ، - دەدى جانداربەك بەكشين.