قوستانايدا ءىز- ءتۇزسىز كەتكەن ەكى ادام ءبىر تاۋلىك بويى قار استىنداعى جەرتولەدە جاتقان
23 - قاڭتار كۇنى «112» قىزمەتىنە اقساي اۋىلىنان 35 شاقىرىم جەردە دالالىق القاپ اۋماعىندا قيىندىققا تاپ بولعان ەكى ادام جونىندە قوڭىراۋ كەلىپ تۇسكەن. جەردى وڭدەۋگە جاڭا تەحنيكامەن بىرگە ادامدار جىبەرىلگەن.
«اۋا رايىنىڭ كۇرت ناشارلاۋىنا بايلانىستى ولاردى جەدەل ەۆاكۋاتسيالاۋ قاجەت بولعان. بايلانىس بولماعاندىقتان توتەنشە جاعدايعا ۇشىراعان ادامداردىڭ ورنالاسقان جەرى مەن جاعدايى بەيمالىم بولعان. اقتۇتەك بوراننان جول كورىنبەيدى، سوعان قاراماستان ىزدەۋ- قۇتقارۋ جۇمىستارىن «نيۆا مارش - برونتو» كولىگى جۇرگىزدى. قۇتقارۋ وپەراتسياسىنا ارقالىق قالاسىنىڭ بولىمشەلەرى، ونىڭ ىشىندە قوستاناي قالاسىنىڭ جەدەل- قۇتقارۋ جاساعىنىڭ قۇتقارۋشىلارى ءبايدىلدين ج. , جارماعانبەتوۆ ە. , باس قۇتقارۋشى جانايەۆ ا. قاتىستى. قۇتقارۋشىلار ءبىر تاۋلىكتەن كەيىن ولاردى جەرتولەدەن تاۋىپ العان» دەپ ءمالىم ەتتى كوميتەتتەن.
«تابىلعان ازاماتتاردىڭ جاعدايى ءبىرقالىپتى. زارداپ شەككەندەر اقساي اۋىلىنا جەتكىزىلدى» دەلىنگەن ت ج ك حابارلاماسىندا.