+7 (701) 759 90 19
-8 °С : نۇر-سۇلتان
-1 °С : الماتى
USD 377.19 EUR 408.99
RUB 5.93 CNY 54.02
جاڭالىقتار

ەلجان ءبىرتانوۆ قىتايعا بارىپ كەلگەن قازاقستاندىقتارعا ۇندەۋ جولدادى

28 قاڭتار 16:23
:ءبولىسۋ
ەلجان ءبىرتانوۆ قىتايعا بارىپ كەلگەن قازاقستاندىقتارعا ۇندەۋ جولدادى

نۇر- سۇلتان. قازاقپارات – ق ر دەنساۋلىق ساقتاۋ ءمينيسترى ەلجان ءبىرتانوۆ قىتايدان كەلىپ جاتقان قازاقستاندىقتارعا ۇندەۋ جولدادى، دەپ حابارلايدى قازاقپارات.

«قىتايعا بارىپ كەلگەن قازاقستان ازاماتتارىنا ءبىر نارسەنى ايتقىم كەلەدى. ولارمەن بايلانىسقا شىعۋ مۇمكىن بولماي جاتادى. سوڭعى 14 كۇن ىشىندە ق ح ر- دان جانە وعان كورشىلەس ەلدەردەن كەلگەن بارلىق ازاماتتار تۇرعىلىقتى مەكەنجايى بويىنشا ەمحاناعا كەلۋى كەرەك جانە ءوز دارىگەرىنە تىركەۋگە تۇرىپ، دەنساۋلىعىن تەكسەرتۋى قاجەت»، - دەدى مينيستر ۇكىمەت ۇيىندە وتكەن باسپا ءسوز ءماسليحاتىندا.

«بۇل ءوز قاۋىپسىزدىكتەرىڭىز ءۇشىن كەرەك. ءبىزدىڭ مەديتسينالىق ماماندار باقىلاۋ جۇرگىزىپ، دەنساۋلىعىڭىز ناشارلاعان جاعدايدا شارا قابىلداسا، ءوزىڭىز بەن وتباسىڭىزدىڭ وزگە مۇشەلەرىنە تونەتىن قاۋىپ سەيىلەدى»، - دەدى ەلجان ءبىرتانوۆ.

بۇعان دەيىن مينيستر ۋحاننان جەتكىزىلگەن قازاقستاندىق ستۋدەنتتەردىڭ ارنايى كورپۋستا تەكسەرىلەتىنىن ايتقان ەدى.

سوڭعى مالىمەتتەرگە سايكەس، قازىر قىتاي اۋماعىندا 1300 قازاقستاندىق بار. ونىڭ 635- ءى حاينان پروۆينتسياسىندا ءجۇر، 204 ادام - ەلشىلىك پەن كونسۋلدىقتىڭ، كومپانيالاردىڭ قىزمەتكەرلەرى، ولاردىڭ وتباسى جانە 445 قازاقستاندىق جالپى قىتاي اۋماعىندا ءجۇر.

قازىرگى ۋاقىتتا ق ح ر اۋماعىنان 25858 ادام كەلدى. ونىڭ اراسىندا قىزۋى كوتەرىلىپ كەلگەن 23 جولاۋشىنىڭ تورتەۋى ج ر ۆ ي كۇدىگىمەن اۋرۋحاناعا جاتقىزىلدى.

اۆتور: ايجان سەرىكجان قىزى


باستى سوزدەر: دةنساؤلئق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات