الماتىلىقتارعا جاپپاي بەتپەردە ساتىپ الۋدىڭ قاجەتى جوق - ماماندار

None
None
الماتى. قازاقپارات - الماتى قالالىق تاۋارلار مەن قىزمەتتەردىڭ ساپاسىن باقىلاۋ دەپارتامەنتىنىڭ باسشىسى ايزات مولداعاسيموۆا ارنايى باسپا ءسوز ءماسليحاتىندا الماتىلىقتاردى جاپپاي بەتپەردە ساتىپ الىپ، دۇربەلەڭ تۋدىرماۋعا شاقىردى، دەپ حابارلايدى قازاقپارات ءتىلشىسى.

ونىڭ ايتۋىنشا، مەديتسينالىق ۇيىمداردا 1,1 ميلليون بەتپەردە بار. ءدارىحانالاردا دا ولاردىڭ سانى جەتكىلىكتى.

«قورعانىس دەڭگەيى جوعارى م-95 بەتپەردەسى دارىگەرلەر مەن مەدبيكەلەرگە ارنالعان. ونى جەكەلەگەن تۇرعىنداردىڭ جاپپاي ساتىپ الۋىنا نەگىز جوق. كادىمگى بەتپەردە دە جەتكىلىكتى دەڭگەيدە قورعايدى. قالادا بەتپەردەلەر جەتكىلىكتى. بەتپەردەنى جاپپاي ساتىپ الۋدىڭ قاجەتى جوق»، - دەدى ايزات مولداعاسيموۆا.

ول ءبىر ادامعا 15-20 دانا بەتپەردەدەن ارتىق ساتپاۋدى ۇسىندى.

اۆتور الما مۇقانوۆا

سوڭعى جاڭالىقتار