ءبىرىنشى جانە ەكىنشى قاباتتا تۇراتىن تۇرعىندار نەلىكتەن ليفت ءۇشىن اقشا تولەيدى؟
«ولار دا اقشا تولەيدى. سەبەبى ءۇيدىڭ مەنشىگى بار. ءبولۋ مۇمكىن ەمەس. ەگەر تولەمەيدى دەسەك، ەندەشە ءبىرىنشى قاباتتان قاسبەتتى ءبولىپ الايىق نەمەسە شاتىر ماسەلەسى تەك جوعارى قاباتتاعىلاردىڭ پروبلەماسى دەيىك. وسى زاڭناماعا ساي، باسپالداق، قاسبەت، شاتىر، ينجەنەرلىك كوممۋنيكاتسيالاردىڭ ءبارى دە - ۇيگە ورتاق مەنشىك ەكەنى ناقتىلانعان» ، - دەدى قايىربەك وسكەنبايەۆ و ك ق- دا تۇرعىن ءۇي كوممۋنالدىق شارۋاشىلىعى ماسەلەلەرى بويىنشا زاڭدى تۇسىندىرە وتىرىپ.
ۆيتسە- ءمينيستردىڭ ايتۋىنشا، ۇيلەردىڭ ءبىرىنشى قاباتىندا كوبىنەسە دۇكەندەر، سالوندار مەن مەيرامحانالار اشىلىپ جاتادى.
«دۇكەن نەمەسە مەيرامحاناعا يەسى بولسىن - تۇرعىندار سەكىلدى كوندومينيۋم مۇشەسى ەكەنىن شەگەلەپ الدىق. تۇرعىنداردىڭ شەشىمى بويىنشا ولارعا قوسىمشا تولەمدەر دە جۇكتەلۋى مۇمكىن. ياعني، ءسىز ءبىر شارشى مەتر ءۇشىن 20 نەمەسە 30 تەڭگە تولەسەڭىز، بيزنەس يەلەرىنە تۇرعىنداردىڭ شەشىمى بويىنشا كوبىرەك تولەم جۇكتەلۋى مۇمكىن» ، - دەدى ول.
قايىربەك وسكەنبايەۆتىڭ تۇسىندىرۋىنشە، ليفت دە ۇيگە ورتاق. تيىسىنشە، تۇرعىندار قاباتتارىنا قاراماستان، ورتاق مۇلىك ءۇشىن تولەۋى ءتيىس.