قىتايدان الماتىعا كەلگەندەر دارىگەرلەردىڭ باقىلاۋىندا

None
None
الماتى. قازاقپارات - قىتايدان الماتىعا كەلگەن ادامدار دارىگەرلەردىڭ باقىلاۋىندا، دەپ حابارلايدى قازاقپارات ءتىلشىسى.

قىتاي مەن قازاقستان اراسىندا اۋە رەيستەرىن ءتورت كومپانيا جۇزەگە اسىرادى. الماتىعا اپتاسىنا 20 رەيس ورىندالادى. كەشە قىتايدان مەگوپوليسكە 300 جولاۋشى كەلدى.

«ەلگە كەلگەن بارلىق جولاۋشىنى تەرمومەتريا جانە تەپلوۆيزور قۇرىلعىسى ارقىلى تەكسەرۋدەن وتكىزەدى. ولاردى باقىلاۋ اۋەدە باستالادى. بورتتاعى ءار جولاۋشى بورتسەرىكتىڭ ءجىتى نازارىندا بولادى. ەگەر ناۋقاستا كاتارالدى نەمەسە ىشەك ينفەكتسيالارىنا كۇدىك تۋسا، اقپارات دەرەۋ جەرگە حابارلانادى. ۇشاق اۋەجايعا كەلگەندە ءبىزدىڭ ماماندار قارسى الادى. الماتى اۋەجايىندا ەكى ارنايى بولمە بار» ، - دەيدى ايزات مولداعاسيموۆا.

تىركەۋ قىزمەتىنىڭ مالىمەتى بويىنشا، قالادا 2222 قىتاي ازاماتى مەديتسينالىق كومەك الۋعا تاعايىندالعان. ولاردىڭ ۆيزاسى بار جانە وسىندا تۇرادى.

«جوعارىدا اتالعان قىتاي ازاماتتارى قالاداعى ەمحانالارعا بەكىتىلگەن. ولاردىڭ 18 نەن كاتارالدى قۇبىلىستار بايقالادى، جاعدايلارى قاناعاتتانارلىق. ەشقايسىندا كوروناۆيرۋس انىقتالعان جوق. سونىمەن قاتار، قىتايدىڭ ءارتۇرلى پروۆينتسياسىندا وقيتىن 17 ستۋدەنت كەلدى. ولاردىڭ جاعدايى قاناعاتتانارلىق» ، - دەپ قوستى ول.


سوڭعى جاڭالىقتار