گەرمانيادا كوروناۆيرۋس جۇقتىرعان العاشقى ادام تىركەلدى

بريۋسسەل. قازاقپارات - گەرمانيادا جاڭا كوروناۆيرۋس ءتۇرىن جۇقتىرعان العاشقى ادام تىركەلدى.

بۇل تۋرالى باۆاريا دەنساۋلىق ساقتاۋ مينيسترلىگى دۇيسەنبى كۇنى كەشكە مالىمدەدى، دەپ حابارلايدى قازاقپارات ح ا ا مەنشىكتى ءتىلشىسى DPA اگەنتتىگىنە سىلتەمە جاساپ.

ناۋقاس ەر ازامات -ميۋنحەننەن وڭتۇستىك-باتىسقا قاراي شامامەن 30 كيلومەتر جەردەگى باۆاريا فەدەرالدىق جەرىندەگى شتارنبەرگ قالاسىنان.

«ول مەديتسينا قىزمەتكەرلەرىنىڭ باقىلاۋىندا جانە وقشاۋلاندىرىلعان»، - دەلىنگەن مالىمدەمەدە.

باۆاريا دەنساۋلىق ساقتاۋ مينيسترلىگىنىڭ وكىلى تۇرعىندار اراسىندا اۋرۋدى جۇقتىرىپ الۋ قاۋپى تومەندىگىن ءمالىم ەتتى.

ناۋقاسپەن تىعىز بايلانىستا بولعانداردىڭ بارلىعىنا اۋرۋدىڭ بەلگىلەرى، جەكە گيگيەنا شارالى مەن ۆيرۋستىڭ قالاي تارالاتىنى تۋرالى اقپارات بەرىلدى.

سونداي-اق، كوروناۆيرۋس جۇقتىرعاندار وڭتۇستىك كورەيا، تايۆان، تايلاند، نەپال، ۆەتنام، ساۋد ارابياسى، سينگاپۋر، ا ق ش، فرانسيا جانە اۆستراليادا تىركەلگەن.