قىتايدا وقيتىن قازاقستاننىڭ ستۋدەنتتەرىنە دەمالىس مەرزىمىن ۇزارتۋ پىسىقتالۋدا

None
None
نۇر-سۇلتان. قازاقپارات – ق ر ءبىلىم جانە عىلىم ۆيتسە-ءمينيسترى ميراس داۋلەنوۆ قىتايداعى جوعارى وقۋ ورىندارىندا وقىپ جۇرگەن قازاقستاننىڭ ستۋدەنتتەرىنە دەمالىس مەرزىمىن ۇزارتۋ شارالارى پىسىقتالىپ جاتقانىن ايتتى، دەپ حابارلايدى قازاقپارات ءتىلشىسى.

«قازىرگى كەزدە قىتايدا 11 مىڭ 700 گە جۋىق (قازاقستاننان) ستۋدەنت ءبىلىم الۋدا. ولاردىڭ كوبىسى بۇگىندە قازاقستان اۋماعىندا. ناقتى ۋحان تۋرالى ايتاتىن بولساق، بۇل قالادا 400 ستۋدەنت وقىپ ءجۇر. سونىڭ ىشىندە 98 ءى سول قالادا، ياعني ولار وقۋ ورنىنىڭ كامپۋسىندا. بۇل نىسان قالانىڭ ورتالىعىنان ءبىرشاما الشاقتاۋ جەردە. ءبىلىم جانە عىلىم مينيسترلىگى ولارمەن تۇراقتى بايلانىستا. كۇن سايىن ستۋدەنتتەرمەن بايلانىسقا شىعىپ تۇرامىز»، - دەدى م. داۋلەنوۆ پارلامەنت سەناتى حالىقارالىق قاتىناستار، قورعانىس جانە قاۋىپسىزدىك كوميتەتىنىڭ كەڭەيتىلگەن وتىرىسىندا.

ونىڭ سوزىنە قاراعاندا، كەيبىر ستۋدەنتتەر ەلگە ورالاتىندارىن ايتقان. وسى ورايدا ديپلوماتيالىق ارنالار بويىنشا قىتاي ۇكىمەتىنە قازاقستاندىق ستۋدەنتتەردى شىعارۋ بويىنشا حات جولداندى.

«ازىرگە، ق ح ر تاراپى ەشبىر مەملەكەتكە مۇنداي كەلىسىمدى بەرمەدى. ۆەدومستۆوارالىق توپ جەرگىلىكتى اۋە كومپانياسىمەن ءتيىستى بورتتى ۇسىنۋ ماسەلەسىن پىسىقتادى. دەنساۋلىق ساقتاۋ مينيسترلىگىمەن قاجەتتى شارالار اتقارىلۋدا. اتاپ ايتقاندا، بۇگىندە قازاقستان اۋماعىنداعى ستۋدەنتتەردىڭ قىتايداعى جوعارى وقۋ ورىندارىنداعى دەمالىس مەرزىمىن ۇزارتۋ شارالارىن قاراستىرۋدامىز. سەبەبى ءبىزدىڭ ستۋدەنتتەر قىتايعا بارا الماي وتىر، ال بۇل ەلدە وقۋ ورىندارىنىڭ جۇمىسى جالعاسۋدا. وسى ورايدا وقۋ ۇلگەرىمىنە قاتىستى اكادەميالىق ماسەلەلەر تۋىنداماس ءۇشىن ق ح ر- داعى ارىپتەستەرمەن كەلىسسوزدەر جۇرۋدە»، - دەپ ءتۇسىندىردى ۆيتسە-مينيستر.

بۇدان بۇرىن حابارلانعانداي، قازىرگى ۋاقىتتا پرەمەر-مينيستر تاپسىرماسىمەن ەلىمىزدە ۆەدومستۆولىق كوميسسيا قۇرىلدى.

جاقىندا ونىڭ وتىرىسى ءوتتى. بۇگىندە ستۋدەنتتەردى ەۆاكۋاتسيالاۋ ماسەلەسى پىسىقتالۋدا.


سوڭعى جاڭالىقتار