نۇر-سۇلتاننان سىرتقا شىعاتىن بارلىق باعىتتاعى جولدار جابىلدى
ەلوردالىق پوليتسيا قىزمەتى كۇشەيتىلگەن رەجىمىندە جۇمىستىڭ قىزمەت اتقارىپ كەلەدى. قيىن جاعدايعا تاپ بولعان تۇرعىندارعا كومەك كورسەتۋ ءۇشىن جەكە قۇرام تولىعىمەن قىزمەتكە كىرىسكەن. بۇدان بۇرىن حابارلانعانداي، قولعا الىنعان شارالاردىڭ ارقاسىندا ەكى كۇننىڭ ىشىندە 64 ادام قۇتقارىلعان. ونىڭ ۇشەۋى - بوسانعان ايەلدەر. ءتۇنى بويى قۇقىق قورعاۋشىلار جولدا قار قۇرساۋىندا قالعان كولىكتەردى شىعارۋمەن بولدى.
ماسەلەن، سولتۇستىك اينالما جولدا پەتروپاۆلعا بارا جاتقان جولاۋشىلار اۆتوبۋسى قارعا باتىپ قالعان. وندا رەسەيگە جول ءجۇرىپ بارا جاتقان 53 جولاۋشى - وزبەكستان رەسپۋبليكاسىنىڭ ازاماتتارى بولعان. پوليتسيا ءاۆتوپاترۋلىنىڭ كومەگىمەن باتىپ قالعان اۆتوبۋس قاردان شىعارىلىپ، جولاۋشىلار قوناق ۇيگە ورنالاستىرىلدى.
قازىرگى ۋاقىتتا قۇتقارۋ جۇمىستارى جالعاسۋدا. پوليتسيا قىزمەتكەرلەرى تۇرعىنداردى جولعا شىعۋ جوسپارىن كەيىنگە قالدىرىپ، جولدىڭ اشىق نەمەسە جابىق ەكەنىن الدىن الا قاداعالاپ وتىرۋعا شاقىرادى.