+7 (701) 759 90 19
-11 °С : نۇر-سۇلتان
-5 °С : الماتى
USD 376.16 EUR 406.18
RUB 5.90 CNY 53.60
جاڭالىقتار

پرەزيدەنت جاريالاعان موراتوري اياسىندا قانداي قىسقارتۋلار جۇرەدى؟

28 قاڭتار 14:28
:ءبولىسۋ
پرەزيدەنت جاريالاعان موراتوري اياسىندا قانداي قىسقارتۋلار جۇرەدى؟

نۇر-سۇلتان. قازاقپارات - مەملەكەتتىك قولداۋ شارالارى مەن سالىق جەڭىلدىكتەرى وڭتايلاندىرىلادى، دەپ حابارلايدى قازاقپارات.

بۇل تۋرالى ق ر پرەمەر-ءمينيسترىنىڭ ءبىرىنشى ورىنباسارى - قارجى ءمينيسترى ءاليحان سمايىلوۆ مالىمدەدى.

«...تيىمدىلىك تۇرعىسىنان مەملەكەتتىك قولداۋ شارالارى وڭتايلاندىرىلادى. مەملەكەتتىك ورگاندار اراسىندا قايتالاۋ بولماۋى كەرەك. ءاربىر سۋبەكت بويىنشا تالداۋ جۇرگىزىپ، بارلىق مەملەكەتتىك قولداۋ شارالارىن الۋشىلار بويىنشا قارجى مينيسترلىگى بازاسىندا ءبىرىڭعاي اقپاراتتىق جۇيە قۇرۋدى ۇسىنامىز»، - دەدى مينيستر ۇكىمەت وتىرىسىندا.

ونىڭ ايتۋىنشا، سالىق جەڭىلدىكتەرى مەن پرەفرەنەتسيالارى بويىنشا بۇگىندە قۇنى 4,5 تريلليون تەڭگەنىڭ 277 جەڭىلدىگى بار.

«جۇمىس توبى قۇنى 237 ميلليارد تەڭگەنىڭ 13 جەڭىلدىگىن قىسقارتۋ الدىن الا ۇسىنىلدى. ساراپشىلاردىڭ كەڭىنەن تارتا وتىرىپ، بارلىق جەڭىلدىكتەرگە قوسىمشا تالداۋ جۇرگىزەمىز. مينيسترلەر مەن اكىمدەر ءتيىمسىز جەڭىلدىكتەردى قىسقارتۋ جونىندە ءوز ۇسىنىستارىن ۇلتتىق ەكونوميكا مينيسترلىگىنە 1 اي مەرزىمىندە ۇسىنۋى قاجەت. مەملەكەتتىك بيۋجەت شىعىستارىن جانە كۆازيمەملەكەتتىك سەكتور شىعىستارىن وڭتايلاندىرۋ بويىنشا قوسىمشا جۇمىستار جۇرگىزىلەدى»، - دەدى ءا. سمايىلوۆ.

سونداي-اق، كەيىنگە قالدىرۋعا بولاتىن شىعىستاردى انىقتاۋ قاجەت.

«بۇل ءۇشىن بارلىق مينسترلىكتەر، اكىمدىكتەر، ۇلتتىق حولدينگتەر مەن كومپانيالار مەملەكەت باسشىسىنىڭ موراتوريي جۇرگىزۋ جونىندەگى تاپسىرماسىن جانە ەسەپ كوميتەتىنىڭ ۇسىنىمدارىن ەسكەرە وتىرىپ، وزدەرىنىڭ اعىمداعى جىلعا ارنالعان بارلىق شىعىستارىنا مۇقيات تالداۋ جۇرىگىزىپ، ولاردى وڭتايلاندىرۋ جونىندە ۇسىنىستارىن قارجى مينيسترلىگىنە ەنگىزۋى ءتيىس. ءبىرىنشى كەزەكتە، پرەزيدەنت اتاپ وتكەندەي، بۇل - يميدجدىك شىعىستار، كونفەرەنتسيالار، سەمينارلار، زەرتتەۋلەر، كولىك، جيھاز جانە باسقا دا شىعىستار»، - دەيدى مينيستر.

مينيسترلىكتەر مەن اكىمدىكتەرگە ەڭبەكاقى تولەۋدىڭ جاڭا جۇيەسى مەن كورپوراتيۆتىك باسقارۋدىڭ تاسىلدەرىن ەنگىزۋ وزدەرىنىڭ شىعىستارى مەن بيزنەس پروتسەستەرىن وڭتايلاندىرۋ ەسەبىنەن جۇرگىزىلۋى كەرەك.

«قۇرىلىسقا ارنالعان شىعىستاردى وڭتايلاندىرۋ ماقساتىندا ۇلتتىق ەكونوميكا مينيسترلىگى يندۋستريا جانە ينفراقۇرىلىمدىق دامۋ ميينسترلىگىمەن بىرلەسىپ، جوبالاردىڭ ءبىرىڭعاي بانكىن قۇرۋ جانە ۇلگىلىك جوبالاردى مىندەتتى پايدالانۋ بويىنشا بيزنەس- احۋالدى جاقسارتۋ ماقساتىندا دايىندالعان تۇزەتۋلەردىڭ 8-پاكەتى شەڭبەرىندە زاڭناماعا وزگەرىستەر ەنگىزۋدى جەدەلدەتۋ قاجەت»، - دەدى ءاليحان سمايىلوۆ.

ەسكە سالا كەتسەك، ق ر ۇكىمەتىنىڭ كەڭەيتىلگەن وتىرىسىندا پرەزيدەنت قاسىم-جومارت توقايەۆ قىمبات كولىك ساتىپ الۋ جانە فورۋمدار وتكىزۋ شىعىستارىنا موراتوريي جاريالاعان ەدى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات