قىتايدان كەلگەن ءتورت جولاۋشى اۋرۋحاناعا جاتقىزىلدى - ەلجان ءبىرتانوۆ
«قازىرگى ۋاقىتتا ق ح ر اۋماعىنان 25858 ادام كەلدى. ولاردىڭ اراسىندا قازاقستاندىقتار دا، شەتەلدىكتەر دە بار. بارلىق جولاۋشىلار تۋرالى اقپارات دەنساۋلىق ساقتاۋ مينيسترلىگىنە جىبەرىلەدى. ءارى قاراي تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ارقىلى تۇرعىلىقتى مەكەنجايى بويىنشا تەكسەرۋلەر، وزگە ادامدارمەن قارىم-قاتىناسى تەكسەرىلەدى»، - دەدى مينيستر ۇكىمەت ۇيىندە وتكەن باسپا ءسوز ءماسليحاتىندا.
ونىڭ ايتۋىنشا، كەيبىر جولاۋشىلاردان جەدەل رەسپيراتورلى ۆيرۋستىق ينفەكتسيا بەلگىلەرى بايقالعان.
«قازىرگى ۋاقىتتا قىزۋى كوتەرىلىپ كەلگەن 23 جولاۋشى كەلدى، ونىڭ تورتەۋى جرۆي كۇدىگىمەن اۋرۋحاناعا جاتقىزىلدى. ۆيرۋستىق ينفەكتسيالار اراسىندا ناقتى ايىرماشىلىقتار بولماعاندىقتان، ولاردى جرۆي كۇدىگىمەن اۋرۋحاناعا جاتقىزامىز. بارلىعىنان قان ساراپتامالارى الىندى. ءۇش تاۋلىكتە ەگجەي-تەگجەيلى دياگنوستيكا جۇرگىزىلەدى. سايكەس ەم-دوم تاعايىندالدى»، - دەدى ە. ءبىرتانوۆ.
بۇعان دەيىن ەلجان ءبىرتانوۆ قازاقستان مەن قىتاي شەكاراسىن جابۋ تۋرالى ۇسىنىستارعا پىكىر بىلدىرگەن بولاتىن.