كوروناۆيرۋس: ۋحاننان جەتكىزىلگەن قازاقستاندىق ستۋدەنتتەر ارنايى كورپۋستا تەكسەرىلەدى
«قازىرگى ۋاقىتتا ۋحان قالاسىندا 98 قازاقستاندىق ستۋدەنت بار. قازاقستاننىڭ قىتايداعى ەلشىلىگى ارقىلى ولارمەن تىكەلەي بايلانىس ورناتىلعان. كۇندەلىكتى ولارمەن سويلەسىپ وتىر. ستۋدەنتتەردە قاجەتتى دۇنيەنىڭ بارلىعى بار. سەبەبى، ولار وقيتىن ۋنيۆەرسيتەتتەر مەديتسينالىق قۇرالدار، بەتپەردەلەر سىندى بارلىق زاتتارمەن قامتاماسىز ەتىپ وتىر. ازىق-تۇلىگى، بارلىعى جەتكىلىكتى. قازىرگى ۋاقىتتا پرەمەر-مينيستر تاپسىرماسىمەن بىزدە ۆەدومستۆولىق كوميسسيا قۇرىلدى. جاقىندا وتىرىس ءوتتى. ءبىز قازىر ستۋدەنتتەردى ەۆاكۋاتسيالاۋ ماسەلەسىن پىسىقتاپ جاتىرمىز. بۇل ماسەلە بويىنشا قىتاي تاراپىنا رەسمي نوتا جىبەرىلدى. ەندى ۇشاقتىڭ قاي مارشرۋتپەن باراتىنى، قايدا توقتايتىنى ، قايدان الىپ كەتەتىنى پىسىقتالۋ بارىسىندا»، - دەدى شاحرات نۇرىشيەۆ ۇكىمەت ۇيىندە وتكەن باسپا ءسوز ءماسليحاتىندا.
سونىمەن بىرگە، ق ر دەنساۋلىق ساقتاۋ ءمينيسترى ەلجان ءبىرتانوۆ ۋحاننان قازاقستاندىق ستۋدەنتتەر جەتكىزىلگەن جاعدايدا قانداي شارالار قولدانىلاتىنىن ايتتى.