اسقار مامين مينيسترلەر مەن اكىمدەردىڭ باستى مىندەتتەرىن اتادى
«ەلباسى نۇرسۇلتان نازاربايەۆتىڭ حالىقتىڭ ناقتى تابىسى مەن ءومىر ساپاسىن جاقسارتۋ بويىنشا ستراتەگيالىق مىندەتتەرىنە قول جەتكىزۋ ماقساتىندا مەملەكەت باسشىسى قاسىم-جومارت توقايەۆ ناقتى تاپسىرمالار بەردى. حالىقتىڭ الەۋمەتتىك ماسەلەلەرىن شەشۋ جانە ءال-اۋقاتىن ارتتىرۋ ەل ەكونومييكاسىنىڭ دامۋىمەن تىكەلەي بايلانىستى. وسى رەتتە ينۆەستيتسيالاردى بەلسەندى تارتۋ كەرەك جانە ەكونوميكانىڭ شيكىزات ەمەس سەكتورىن، سونىمەن قاتار بيزنەستى دامىتۋ، جاڭا جۇمىس ورىندارىن قۇرۋ ءار مينيستر مەن اكىمنىڭ باستى مىندەتىنە اينالۋى ءتيىس»، - دەدى پرەمەر-مينيستر.
وسى ورايدا اسقار مامين ۇلتتىق ەكونوميكا مينيسترلىگى مەملەكەت باسشىسىنىڭ تاپسىرمالارىن ىسكە اسىرۋ بويىنشا شارالار كەشەنىن ۇسىنىپ وتىرعانىن ايتتى.
«جاۋاپتى ورىنداۋشىلار مەن مەرزىمدەرى انىقتالدى. ەندى ۇيلەسىمدى جۇمىستى ۇيىمداستىرۋ كەرەك. پرەزيدەنت بەگىلەگەن بارلىق مىندەتتەر ناقتى ورىندالۋى ءتيىس. مەملەكەتتىك ورگانداردىڭ ءبىرىنشى باسشىلارى جەكە جاۋاپتى بولادى»، - دەپ ەسكەرتتى ۇكىمەت باسشىسى.