ب ا ءا- گە ورگانيكالىق ونىمدەردى جەتكىزۋدە قازاقستاننىڭ الەۋەتى زور - مەملەكەت باسشىسى
ب ا ءا بيزنەس وكىلدەرىمەن كەزدەسۋدە قازاقستان پرەزيدەنتى قاسىم-جومارت توقايەۆ وسىلاي دەدى، دەپ حابارلايدى قازاقپارات ءتىلشىسى.
«اۋىل شارۋاشىلىعى سالاسىنداعى ىنتىماقتاستىقتى نىعايتۋدا بىزدە زور الەۋەت بار. ب ا ءا بارلىق ازىق-تۇلىك تۇتىنۋدىڭ 85 پايىزىن يمپورتتايتىنىن بىلەمىز. جاقىندا دۇنيەجۇزىلىك ازىق-تۇلىك قاۋىپسىزدىگىن قامتاماسىز ەتۋ ءۇشىن «ازىق-تۇلىك قاۋىپسىزدىگى جونىندەگى ۇلتتىق ستراتەگيا» قابىلدانعانىن بىلەمىز»، - دەدى قاسىم-جومارت توقايەۆ.
مەملەكەت باسشىسى وسى ستراتەگيا اياسىندا اگروونەركاسىپ كەشەنىندەگى ساۋدانى جانە تاماق ونىمدەرىن ءوندىرۋ تەحنولوگيالارىن دامىتۋ - ماڭىزدى باعىتتاردىڭ ءبىرى ەكەنىن اتاپ ءوتتى.
«وسى تۇرعىدان قاراعاندا قازاقستاننىڭ امىرلىكتەرگە ورگانيكالىق جانە ساپالى ونىمدەردى جەتكىزۋدە اۋماقتىق، تەحنولوگيالىق جانە لوگيستيكالىق الەۋەتى بار. وسى ونىمدەردى ب ا ءا- گە تاسىمالداۋ ءۇشىن ءبىز امىرلىكتەردى قازاقستاننىڭ تاماق ونىمدەرىن ءوندىرۋ سالاسىنا قارجى سالۋعا شاقىرامىز. امىرلىكتەردە ازىق-تۇلىك تۇتىنۋ دەڭگەيىنىڭ 12 پايىزعا ارتقانىن ەسكەرە وتىرىپ، ءبىزدىڭ ۇكىمەتىمىز بەن كومپانيالارىمىز قازاقستاننان ۇزاق مەرزىمدى ازىق-تۇلىك تاسىمالىن ۇيىمداستىرۋدى ويلاستىرىپ جاتىر. بىزدە ۇلكەن الەۋەت پەن مۇمكىندىكتەر بار»، - دەپ قورىتىندىلادى قازاقستان پرەزيدەنتى.