قازاقستان پرەزيدەنتى ءابۋ-دابيدەگى شەيح زايد مەشىتىندە بولدى
«ب ا ءا تاريحي ماڭىزى زور نىساندارىنىڭ ءبىرى - ابۋ-دابي قالاسىنداعى شەيح زايد مەشىتىنە بارىپ، امىرلىكتەردىڭ نەگىزىن قالاۋشى، تۇڭعىش پرەزيدەنت شەيح زايد بەن سۇلتان ءال ناحاياننىڭ رۋحىنا تاعزىم ەتتىم. ەكىجاقتى بايلانىستى نىعايتۋعا مول ۇلەس قوسقان شەيح زايدقا قۇرمەتىمىز ەرەكشە»، - دەپ جازدى قاسىم-جومارت توقايەۆ.
اقوردا باسپا ءسوز قىزمەتىنىڭ مالىمەتىنشە، قاسىم-جومارت توقايەۆ شەيح زايد مەشىتىندەگى قۇرمەتتى قوناقتار كىتابىنا «ءوز حالقىنىڭ ۇلى پەرزەنتى، امىرلىكتەردىڭ نەگىزىن قالاۋشى شەيح زايد بەن سۇلتان ءال ناحاياننىڭ رۋحىنا تاعزىم ەتەمىن. باۋىرلاس امىرلىكتەر حالقىنىڭ ىرىسى مول، بەرەكەسى باياندى، مەرەيى لايىم ۇستەم بولۋىنا شىن جۇرەكتەن تىلەكتەسپىن!» دەگەن قولتاڭبا قالدىردى.
ەسكە سالا كەتەيىك، قازاقستان پرەزيدەنتى بىرىككەن اراب امىرلىكتەرىنە ساپارى بارىسىندا نۇر-سۇلتان مەن ءابۋ-دابي اشىق ءارى مازمۇندى ديالوگ ورناتا بىلگەنىن ايتتى.