+7 (701) 759 90 19
-4 °С : نۇر-سۇلتان
4 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

قاسىم-جومارت توقايەۆ ب ا ءا بيزنەس وكىلدەرىمەن كەزدەستى

28 قاڭتار 10:16
:ءبولىسۋ
قاسىم-جومارت توقايەۆ ب ا ءا بيزنەس وكىلدەرىمەن كەزدەستى

ءابۋ-دابي. قازاقپارات - قازاقستان پرەزيدەنتى بىرىككەن اراب امىرلىكتەرىنىڭ بيزنەس وكىلدەرى قاتىسقان جيىندا ءسوز سويلەدى، دەپ حابارلايدى اقوردا.

قاسىم-جومارت توقايەۆ بىرىككەن اراب امىرلىكتەرىنىڭ ىسكەر توپتارى وكىلدەرىنىڭ قاتىسۋىمەن وتكەن دوڭگەلەك ۇستەلدە قازاقستاننىڭ ەكونوميكالىق جانە ينۆەستيتسيالىق الەۋەتى تۋرالى ايتتى.

مەملەكەت باسشىسى ىنتىماقتاستىقتىڭ بارلىق باعىتى بويىنشا ەكى ەلدىڭ ايتارلىقتاي جەتىستىكتەرگە قول جەتكىزگەنىن اتاپ ءوتتى. پرەزيدەنتتىڭ ايتۋىنشا، ەكىجاقتى كۇن ءتارتىبى ءوزارا ءتيىمدى جوبالارمەن جانە باستامالارمەن ۇنەمى تولىقتىرىلىپ وتىرادى. مەملەكەتارالىق قارىم-قاتىناستاردىڭ دەڭگەيىن جان-جاقتى قامتىلعان ستراتەگيالىق سەرىكتەستىك رەتىندە سيپاتتاۋعا بولادى.

- 2019-جىلدىڭ قاڭتارى مەن قاراشاسى ارالىعىندا ءوزارا تاۋار اينالىمى 2018-جىلعى وسى كەزەڭمەن سالىستىرعاندا 10,3 پايىزعا ارتىپ، 500 ميلليون دوللار بولدى. بىرىككەن اراب امىرلىكتەرىنەن قازاقستانعا تارتىلعان تىكەلەي ينۆەستيتسيا كولەمى 2,1 ميلليارد دوللارعا جەتسە، قازاقستاننىڭ بىرىككەن اراب امىرلىكتەرىنە قۇيعان ينۆەستيتسياسى ءبىر ميلليارد دوللارعا جەتتى. قازاقستاندا بىرىككەن اراب امىرلىكتەرىنىڭ 350 گە جۋىق زاڭدى تۇلعالارى، فيليالدارى مەن وكىلدىكتەرى تابىستى جۇمىس ىستەيدى. بىرلەسكەن ينۆەستيتسيالىق جوبالاردى جۇزەگە اسىرۋ جونىندە قۇنى 11 ميلليارد دوللار بولاتىن اۋقىمدى جوسپارىمىز بار، - دەدى پرەزيدەنت.

مەملەكەت باسشىسى ىنتىماقتاستىقتى ودان ءارى كەڭەيتۋ ءۇشىن قازاقستان مەن امىرلىكتەردىڭ الەۋەتى زور ەكەنىنە جانە بۇگىنگى جوعارى دەڭگەيدەگى كەزدەسۋلەر جاڭا مۇمكىندىكتەر مەن پەرسپەكتيۆالارعا جول اشاتىنىنا سەنىم ءبىلدىردى.

- قازىرگى ۋاقىتتا اتىراۋ وبلىسىندا پوليپروپيلەن ءوندىرىسى ءۇشىن قۇنى 6,6 ميلليارد دوللار بولاتىن مۇناي-حيميا كەشەنىن سالۋ جوباسىن ىسكە اسىرۋ ءۇشىن «مۋبادالا» ينۆەستيتسيالىق كومپانياسىمەن كەلىسسوز جۇرگىزىپ جاتىرمىز. قازاقستان ەكونوميكادا قايتا وڭدەۋ ونەركاسىبى مەن يندۋستريالىق دامۋ ىسىنە زور كوڭىل ءبولىپ وتىر. بۇل بىرلەسكەن جوبامىزدىڭ جاقسى ۇلگىسى بولا الاتىنىن كورسەتەدى، - دەدى قاسىم-جومارت توقايەۆ.

پرەزيدەنت ءوز سوزىندە بىرىككەن اراب امىرلىكتەرى بيزنەسمەندەرىنىڭ نازارىن اشىلىپ جاتقان اۋىل شارۋاشىلىعى كووپەراتسياسىنداعى زور پەرسپەكتيۆالارعا اۋداردى. مەملەكەت باسشىسىنىڭ پىكىرىنشە، قازاقستان ورگانيكالىق جانە ەكولوگيالىق تازا اۋىل شارۋاشىلىعى ونىمدەرىن اراب نارىعىنا جەتكىزۋ ءۇشىن جەر، تەحنولوگيا، لوگيستيكا جاعىنان جاقسى مۇمكىندىكتەرگە يە. سونىمەن قاتار حالال ونىمدەردى، مال ەتى مەن قۇس ەتىن ءوندىرۋ، مايلى داقىلداردى قايتا وڭدەۋ جونىندەگى بىرلەسكەن جوبالار ۇلكەن قىزىعۋشىلىق تۋعىزادى.

بۇگىندە بىرىككەن اراب امىرلىكتەرى - قازاقستاننان كەلەتىن تۋريستەر ءۇشىن العاشقى بەستىككە كىرەتىن ەڭ تانىمال باعىتتاردىڭ ءبىرى. مەملەكەت باسشىسى ەلىمىزدىڭ ءوز ازاماتتارىن تەك دەمالۋ ءۇشىن جىبەرۋگە عانا ەمەس، سونداي-اق، امىرلىكتەردەن تۋريستەر تارتۋعا نيەتتى ەكەنىن جەتكىزدى. وسىعان بايلانىستى قازاقستان اراب بيزنەسىنىڭ كومەگىنە ءۇمىت ارتادى.

- ءبىز تۋريزمدى جۇمىس ورىندارىن اشاتىن ءارى ەكونوميكانى ءارتاراپتاندىرۋعا ىقپال ەتەتىن ماڭىزدى سالانىڭ ءبىرى دەپ سانايمىز. ەكىنشى جاعىنان، ءباا كوپ جىلدان بەرى الەمدىك تۋريستىك نارىقتا مويىندالعان كوشباسشى سانالادى. سىزدەردىڭ كومپانيالارىڭىزدىڭ ءتيىستى ءبىلىمى، تاجىريبەسى مەن رەسۋرسى بار. وسىعان بايلانىستى سىزدەردى قازاقستاندا تۋريستىك باعىتتى بىرلەسە دامىتۋ ءۇشىن جانە وسى سالانى، شىن مانىندە، حالىقارالىق دەڭگەيگە كوتەرۋ ءۇشىن شاقىرۋعا نيەتتىمىز، - دەدى پرەزيدەنت.

قارجى سالاسى - ەلدەرىمىز اراسىنداعى ىنتىماقتاستىقتىڭ ماڭىزدى باعىتى. «استانا» حالىقارالىق قارجى ورتالىعى امىرلىكتەردىڭ ءىرى بانك جانە ينۆەستيتسيالىق ينستيتۋتتارىمەن تىعىز ىقپالداستىق ورناتقان. «استانا» حالىقارالىق قارجى ورتالىعى ورتالىق ازيا مەن ەۋرازيا كەڭىستىگىندەگى يسلام قارجىلىق قىزمەت كورسەتۋ حابى رەتىندە ءوز الەۋەتىن كۇشەيتۋدە.

- «استانا» حالىقارالىق قارجى ورتالىعى ۇلتتىق مۇناي-گاز كومپانياسى، تەمىر جولدار، تەلەكوممۋنيكاتسيالىق كومپانيالار جانە باسقا دا كاسىپورىندار سياقتى ءىرى مەملەكەتتىك ستراتەگيالىق اكتيۆتەرىمىزدى IPO- عا شىعاراتىن ورىن بولادى. ءبىز Abu-Dhabi Investment Authority جانە Mubadala سياقتى كومپانيالاردى جەكەلەگەن كورپوراتسيالار مەن ءال- اۋقات قورلارىن جەكەشەلەندىرۋ باعدارلاماسىنا قاتىسۋعا شاقىرامىز، - دەدى قاسىم-جومارت توقايەۆ بيزنەسمەندەرگە ارناعان سوزىندە.

ونىڭ ايتۋىنشا، ەكىجاقتى ەكونوميكالىق ىنتىماقتاستىقتى نىعايتۋ جانە كەڭەيتۋ ءۇشىن جاقسى بازا بولا الاتىن، كەن ءوندىرۋ ونەركاسىبى، مەتاللۋرگيا، مۇناي-حيميا، اۋىل شارۋاشىلىعى، لوگيستيكا، تۋريزم جانە باسقا دا سالالار بويىنشا قۇنى شامامەن 40 ميلليارد دوللار بولاتىن ينۆەستيتسيالىق ۇسىنىستار ازىرلەندى.

سونىمەن قاتار پرەزيدەنت ءبىلىم جانە عىلىم سالاسىنداعى ءوزارا ىقپالداستىقتىڭ ماڭىزى زور ەكەنىن اتاپ ءوتىپ، ءبىلىم سالاسىندا جۇزەگە اسىرىلىپ جاتقان بىرلەسكەن جوبالارعا توقتالدى.

دوڭگەلەك ۇستەلدە «Abu Dhabi Global Market» ەركىن ەكونوميكالىق ايماعى ديرەكتورلار كەڭەسىنىڭ ءتوراعاسى، مەملەكەتتىك مينيستر احمەد الي ءال ساييح، «LuLu» گيپەرماركەتتەر جەلىسىنىڭ نەگىزىن قالاۋشى م. ا. يۋسۋف الي، «استانا» حالىقارالىق قارجى ورتالىعىنىڭ باسقارۋشىسى قايرات كەلىمبەتوۆ، «SABIS» Emirates Kazakhstan Education Investment Group ءبىلىم جەلىسىنىڭ اكتسيونەرى حالەد ءال-كيندي، International Community School مەكەمەسىنىڭ باسقارۋشى ديرەكتورى مۇحاممەد ءال شامما جانە باسقا دا بىرىككەن اراب امىرلىكتەرى بيزنەس توپتارىنىڭ وكىلدەرى ءسوز سويلەدى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات