قاسىم-جومارت توقايەۆ ب ا ءا كومپانيالارىن قازاقستاننىڭ جەر قويناۋىن زەرتتەۋگە شاقىردى

None
None
ءابۋ-دابي. قازاقپارات - بىرىككەن اراب امىرلىكتەرى - قازاقستان تۋريستەرى ءۇشىن تارتىمدى ەلدەردىڭ ءبىرى سانالادى.

بۇل تۋرالى ب ا ءا بيزنەس وكىلدەرىمەن كەزدەسۋدە قازاقستان پرەزيدەنتى قاسىم-جومارت توقايەۆ ايتىپ ءوتتى، دەپ حابارلايدى قازاقپارات ءتىلشىسى.

«بىرىككەن اراب امىرلىكتەرى - قازاقستان تۋريستەرى ءۇشىن ەڭ تارتىمدى بەس ەلدىڭ قاتارىنا كىرەدى. جىل سايىن 100 مىڭعا جۋىق قازاقستاندىق وسىناۋ كەرەمەت ەلگە كەلىپ كەتەدى. قۇرمەتتى دوستار! بۇل تۋرالى ايتا وتىرىپ، مىنا جايدى اتاپ وتكىم كەلەدى: ءبىز ىنتىماقتاستىعىمىزدى تۋ ەتىپ، العا جىلجۋىمىزعا ىقپال ەتەتىن ۇلكەن الەۋەت بارىنا سەنىمدىمىز»، - دەدى قاسىم-جومارت توقايەۆ.

مەملەكەت باسشىسى بۇگىن دە قوس ەلدە ۇلكەن مۇمكىندىكتەر بارىن اتاپ ءوتتى.

«امىرلىكتەر سياقتى قازاقستان دا - مينەرالدى رەسۋرستار بويىنشا الەمدىك كوشباسشىلاردىڭ ءبىرى. سونىمەن بىرگە ەل اۋماعىنىڭ 25 پايىزى عانا گەولوگيالىق تۇرعىدان زەرتتەلگەن. قازاقستاندا 15 ميلليون شوگىندى باسسەين جانە ولاردىڭ 130 ميلليون توننالىق وتىن ەكۆيۆالەنتىندەگى قورى بار»، - دەدى قاسىم-جومارت توقايەۆ.

قازاقستان پرەزيدەنتى التىن، قورعاسىن، مىرىش، تەمىر، مارگانەتس جانە باسقا دا كەن ورىندارىنىڭ بارىنا قاراماستان، بىزدە ءالى زەرتتەلمەگەن رەسۋرستار كوپ ەكەنىن ايتىپ ءوتتى.

«ءبىز جاقىندا جەر قويناۋىن پايدالانۋ كودەكسىنە تۇزەتۋ ەنگىزىپ، وسى سالاداعى اكىمشىلىك رەسىمدەردى ەداۋىر جەڭىلدەتتىك. بۇل باستامالاردى حالىقارالىق ساراپشىلار مەن حالىقارالىق قاۋىمداستىقتار قولداپ وتىر»، - دەپ تولىقتىردى قاسىم-جومارت توقايەۆ.

وسىنىڭ ارقاسىندا قازاقستان ينۆەستيتسيالىق تارتىمدىلىق بويىنشا ءوز پوزيتسياسىن جاقسارتا تۇسكەن.

«ءبىلىمدى، تاجىريبەنى، قارجىلىق جانە كادرلىق رەسۋرستاردى ەسكەرە وتىرىپ، ءبىز ب ا ءا كومپانيالارى قازاقستاننىڭ رەسۋرستارى مەن جەر قويناۋىن زەرتتەۋگە قاتىسا الادى دەپ سانايمىز»، - دەپ اتاپ ءوتتى مەملەكەت باسشىسى.

سوڭعى جاڭالىقتار