+7 (701) 759 90 19
-13 °С : نۇر-سۇلتان
-2 °С : الماتى
USD 376.77 EUR 408.46
RUB 5.95 CNY 53.98
جاڭالىقتار

ق ر پرەزيدەنتىنىڭ بىرىككەن اراب امىرلىكتەرىنە ساپارىندا ءبىرقاتار قۇجاتتارعا قول قويىلدى

27 قاڭتار 16:54
:ءبولىسۋ
ق ر پرەزيدەنتىنىڭ بىرىككەن اراب امىرلىكتەرىنە ساپارىندا ءبىرقاتار قۇجاتتارعا قول قويىلدى

ءابۋ دابي. قازاقپارات – ق ر پرەزيدەنتى قاسىم- جومارت توقايەۆ ءابۋ دابيدىڭ تاق مۇراگەرى، شەيح مۇحاممەد بەن زايد ءال ناحايانمەن كەلىسسوز جۇرگىزدى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

قازاقستان پرەزيدەنتىن رەسمي قارسى الۋ ءراسىمى «ءال- ۋاتان» سارايىنىڭ الدىندا ءوتتى. قازاقستاننىڭ تۋى كوتەرىلىپ، ەكى مەملەكەتتىڭ ۇلتتىق ءانۇراندارى ورىندالدى.

قاسىم- جومارت توقايەۆ پەن شەيح مۇحاممەد زايد ءال ناحايان ءبىر- بىرىنە ءىلتيپات بىلدىرگەننەن كەيىن قۇرمەتتى قاراۋىل روتاسىن ارالاپ ءوتتى. ەكى ەلدىڭ رەسمي دەلەگاتسيا مۇشەلەرى تانىستىرىلعاننان كەيىن مەملەكەت باسشىسى قۇرمەتتى قوناقتار كىتابىنا قولتاڭبا قالدىردى.

ءراسىم سوڭىندا قازاقستان پرەزيدەنتى مەن ءابۋ ءدابيدىڭ تاق مۇراگەرى كەلىسسوز جۇرگىزدى. تاراپتار ەكىجاقتى قارىم- قاتىناستاردى جانداندىرۋعا، ەكونوميكالىق سەرىكتەستىكتى كەڭەيتۋگە باسا نازار اۋداردى.

- ءسىزدى بىرىككەن اراب امىرلىكتەرىندە كورگەنىمە قۋانىشتىمىن. امىرلىكتەر باسشىسىنىڭ اتىنان ءسىزدىڭ ساپارىڭىزعا تابىس تىلەيمىن. سونىمەن قاتار ءبىزدىڭ جاقىن دوسىمىز ەلباسى نۇرسۇلتان ءابىش ۇلى نازاربايەۆقا سالەم جولدايمىز. قازىرگى ۋاقىتتا ەلدەرىمىز اراسىنداعى ەكىجاقتى قاتىناستار جوعارى دەڭگەيدە دامىپ كەلەدى. ب ا ءا قازاقستانمەن ءوزارا ىقپالداستىقتى نىعايتۋعا ەرەكشە كوڭىل بولەدى. مەملەكەتتەرىمىز اراسىنداعى ىنتىماقتاستىق جان- جاقتى دامۋدا، - دەپ اتاپ ءوتتى مۇحاممەد بەن زايد ءال ناحايان.

مەملەكەت باسشىسى شەيح مۇحاممەدكە قوناقجايلىق تانىتقانى ءۇشىن ريزاشىلىق ءبىلدىرىپ، قازاقستان پرەزيدەنتى رەتىندە ءوزىنىڭ العاشقى ساپارىن اراب الەمىنە، سونىڭ ىشىندە بىرىككەن اراب امىرلىكتەرىنە جاساپ وتىرعانىن اتاپ ءوتتى.

- ەكى ەل اراسىنداعى قارىم- قاتىناستار تاريحىنىڭ تامىرى تەرەڭ. ءبىزدى شىنايى دوستىق، ءوزارا سەنىم مەن تۇسىنىستىك بايلانىستىرادى. سوندىقتان قارىم- قاتىناستارىمىزدىڭ كەلەشەگى زور. مەنىڭ ساپارىمنىڭ نەگىزگى ماقساتى - ەكى مەملەكەتتىڭ ىنتىماقتاستىعىنا تىڭ سەرپىن بەرۋ. ءبىز ۇلكەن جەتىستىكتەرگە قول جەتكىزدىك، ءبىراق ءبىر ورىندا توقتاپ قالۋعا بولمايدى. العا جىلجۋىمىز كەرەك. مەن وسى ساپارعا ەرەكشە ءمان بەرەمىن جانە ۇلكەن ۇمىتپەن قارايمىن، - دەدى قاسىم- جومارت توقايەۆ.

كەزدەسۋ بارىسىندا مۇناي- حيميا، اۋىل شارۋاشىلىعى، كولىك- لوگيستيكا، قارجى جانە ينۆەستيتسيا سالالارىنداعى ءوزارا ءىس- قيمىلدار مەن ىنتىماقتاستىق ماسەلەلەرى قاراستىرىلدى.


قاسىم- جومارت توقايەۆ ەكى مەملەكەتتىڭ دە ماڭىزدى تاريحي كەزەڭ الدىندا تۇرعانىن - كەلەسى جىلى امىرلىكتەردىڭ قۇرىلعانىنا 50 جىل، قازاقستاننىڭ تاۋەلسىزدىك العانىنا 30 جىل تولاتىنىن اتاپ ءوتتى.


كەزدەسۋ سوڭىندا تاراپتار قول قويىلعان قۇجاتتارمەن الماستى. ق ر ەنەرگەتيكا مينيسترلىگى مەن ب ا ءا ەنەرگەتيكا جانە ونەركاسىپ مينيسترلىگى اراسىندا مۇناي- حيميا ونەركاسىبى سالاسىنداعى ءوزارا تۇسىنىستىك پەن ىنتىماقتاستىق تۋرالى مەموراندۋمعا، قر ساۋدا جانە ينتەگراتسيا مينيسترلىگى مەن ب ا ءا ەكونوميكا مينيسترلىگى اراسىنداعى ءوزارا تۇسىنىستىك تۋرالى مەموراندۋمعا، «استانا» حالىقارالىق قارجى ورتالىعىنىڭ قارجىلىق قىزمەت كورسەتۋدى رەتتەۋ جونىندەگى كوميتەتى مەن ب ا ءا ورتالىق بانكى اراسىنداعى ءوزارا تۇسىنىستىك تۋرالى مەموراندۋمعا قول قويىلدى.


«كەيىنگى كەزدە ءبىزدىڭ مەملەكەتتەر اراسىندا تاۋار اينالىمى ايتارلىقتاي ءوسىپ كەلەدى. ب ا ءا - اراب الەمىندە قازاقستانمەن ساۋدا قاتىناسىن رەتكە كەلتىرگەن العاشقى مەملەكەتتەردىڭ ءبىرى. ونىڭ ۇستىنە ب ا ءا- ءنىڭ ورتالىق ازياعا ينۆەستيتسيا سالۋىندا قازاقستان نەگىزگى مەملەكەتكە اينالدى. وسىعان وراي ەكى ەلدىڭ عارىش سالاسىنداعى ىنتىماقتاستىعىن ەرەكشە اتاپ وتۋگە بولادى. وتكەن جىلى ب ا ءا- ءنىڭ تۇڭعىش عارىشكەرى بايقوڭىر حالىقارالىق عارىش ستانتسياسىنان عارىشقا ۇشقان بولاتىن»، - دەدى مۇحاممەد بەن زايد ءال ناحايان.


سونىمەن قاتار ابۋ- ءدابيدىڭ مۇراگەر حانزاداسى قازاقستاننىڭ تۇڭعىش پرەزيدەنتى نۇرسۇلتان نازاربايەۆ امىرلىكتەردىڭ شەيحى حاليف يبن زايد ءال ناحايانمەن وتە جاقىن قارىم- قاتىناستا بولعانىن، ەكى ەلدىڭ ىنتىماقتاستىعىن نىعايتۋعا ءارى كەڭەيتۋگە ۇلكەن ۇلەس قوسقانىن باسا ايتتى.

ەسكە سالا كەتسەك ، مەملەكەت باسشىسى قاسىم- جومارت توقايەۆ رەسمي ساپارمەن بىرىككەن اراب امىرلىكتەرىندە ءجۇر.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات