+7 (701) 759 90 19
-4 °С : نۇر-سۇلتان
0 °С : الماتى
USD 379.75 EUR 415.18
RUB 5.78 CNY 54.19
جاڭالىقتار

ب ا ءا استاناسىندا ق ر پرەزيدەنتى مەن ابۋ-دابي حانزاداسىنىڭ كەزدەسۋى باستالدى

27 قاڭتار 14:30
:ءبولىسۋ
ب ا ءا استاناسىندا ق ر پرەزيدەنتى مەن ابۋ-دابي حانزاداسىنىڭ كەزدەسۋى باستالدى

ابۋ-دابي. قازاقپارات - بىرىككەن اراب امىرلىكتەرىنىڭ استاناسىنداعى «ءال-ۆاتان» سارايىندا قازاقستان پرەزيدەنتى قاسىم-جومارت توقايەۆ پەن ابۋ-دابي حانزاداسى شەيح مۇحاممەد بەن زايد ءال ناحاياننىڭ كەزدەسۋى باستالدى، دەپ حابارلايدى قازاقپارات ءتىلشىسى.

مەملەكەت باسشىسىن ابۋ-دابي حانزاداسى سارايدىڭ ەسىگىندە ءوزى قارسى الدى.

قۇرمەتتى قاراۋىلدىڭ قاتىسۋىمەن وتكەن رەسمي كەزدەسۋ بارىسىندا ەكى مەملەكەتتىڭ ءانۇرانى شىرقالىپ، جوعارى مارتەبەلى مەيماننىڭ كەلۋ قۇرمەتىنە وراي ارتيللەريالىق قارۋدان 21 مارتە وق اتىلدى.

دەلەگاتسيا مۇشەلەرىن تانىستىرۋدان كەيىن تاراپتار كەلىسسوزدەر بولمەسىنە كەتتى.

كەزدەسۋ اياسىندا تاراپتاردىڭ ەكىجاقتى ىنتىماقتاستىقتىڭ كەڭ اۋقىمداعى سۇراقتارىن تالقىلايتىنى كۇتىلىپ وتىر.

سونىمەن قاتار، مەملەكەت باسشىسىنىڭ رەسمي ساپارى اياسىندا ب ا ءا- نىڭ ىسكەر ورتاسىنىڭ وكىلدەرىمەن دوڭگەلەك ۇستەلدىڭ وتەتىنى جوسپارلانعان.

ەرتەڭ، ياعني 28- قاڭتاردا دۋباي قالاسىندا قاسىم-جومارت توقايەۆ ب ا ءا ۆيتسە-پرەزيدەنتىمەن، پرەمەر-مينيسترىمەن، دۋباي امىرشىسىمەن، شەيح مۇحاممەد بەن راشيد ءال ماكتۋممەن كەزدەسىپ، دۋباي حالىقارالىق قارجى ورتالىعىنا (DIFC) بارادى. سونداي-اق، پرەزيدەنت بىرىككەن اراب امىرلىكتەرىندەگى كومپانيالاردىڭ باسشىلارىمەن كەزدەسەدى.

ەسكە سالا كەتسەك، بۇعان دەيىن مەملەكەت باسشىسى قاسىم-جومارت توقايەۆ بىرىككەن اراب امىرلىكتەرىنە رەسمي ساپارمەن كەلگەنى حابارلانعان بولاتىن.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات