+7 (701) 759 90 19
-4 °С : نۇر-سۇلتان
5 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

بوراندا جۇرگىزۋشىلەر قانداي قاۋىپسىزدىك شارالارىن ۇستانۋى كەرەك؟

27 قاڭتار 17:08
:ءبولىسۋ
بوراندا جۇرگىزۋشىلەر قانداي قاۋىپسىزدىك شارالارىن ۇستانۋى كەرەك؟

نۇر-سۇلتان. قازاقپارات - «QazAvtoJol» باسشىسى بوران كەزىندە جولدا ءجۇرىپ كەلە جاتقان كولىكتەر قانداي قاۋىپسىزدىك شارالارىن ۇستانۋى كەرەكتىگىن ايتتى، دەپ حابارلايدى قازاقپارات ءتىلشىسى.

«بۇگىندە اۆتوكولىك جولدارىنىڭ 95 ۋچاسكەسى جابىق بولدى، ونىڭ ىشىندە 61 ءى رەسپۋبليكالىق ماڭىزدا. ولار نۇر-سۇلتان قالاسى، اقمولا، اقتوبە، شىعىس قازاقستان، باتىس قازاقستان، قاراعاندى، قىزىلوردا، قوستاناي، پاۆلودار، سولتۇستىك قازاقستان وبلىستارى اۋماعىنداعى جولدار. سونىمەن قاتار وبلىستىق ماڭىزداعى 34 جول ۋچاسكەسى جابىق بولدى. وتكەن تۇندە جولداردا اسا كۇردەلى جاعداي ورىن الدى. جەلدىڭ كۇشەيۋى تۋرالى ەسكەرتۋ جاسالعانىنا قاراماستان، جەڭىل جانە جۇك كولىكتەرىنىڭ جولدارعا شىعۋى جاعدايلارى بايقالدى»، - دەدى ىشكى ىستەر ءمينيسترىنىڭ ورىنباسارى يۋري يلين ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

ونىڭ سوزىنە قاراعاندا، شۋچينسك پەن نۇر-سۇلتان اراسىندا اۆتوكولوننالاردى ارنايى تەحنيكامەن سۇيمەلدەپ شىعارىپ سالۋ كەزىندە قيىن جاعداي ورىن العان.

«كولوننانىڭ ورتاسىندا جول-كولىك وقيعاسى بولدى، بۇنىڭ سالدارىنان 100 گە تارتا اۆتوكولىك تۇرىپ قالدى. قار قۇرساۋىنان سوقتىعىسقان كولىكتى الىپ شىعۋ پروبلەما تۋدىردى»، - دەدى سپيكەر.

ونىڭ اتاپ وتۋىنشە، بورانعا بايلانىستى التى وڭىردە تاۋلىك بويى قىزمەت ەتەتىن جەدەل شتاب ۇيىمداستىرىلدى. ونىڭ قۇرامىنا ءتيىستى ورگاندار ەندى.

ءوز كەزەگىندە «QazAvtoJol» ۇ ك» ا ق باسقارما ءتوراعاسى ۇلان ءالىپوۆ بوران كەزىندە كولوننامەن جۇرگەن كەزدە كولىكتەر جىلدامدىق پەن اراقاشىقتىقتى ساقتاۋ كەرەكتىگىن اتاپ ءوتتى.

«كەشە ءبىز ەكى جاقتان كولوننا جىبەرگەن بولاتىنبىز. نۇر-سۇلتاننان شىققان كولوننا شۋچينسككە دەيىن امان-ەسەن جەتتى. ال كەرى باعىتتاعى ، ياعني شۋچينسكتەن ەلورداعا باعىت العان كولوننادا قيىندىقتار بولدى. ءۇش كولىكتى تىزگىندەگەن سابىرسىز جۇرگىزۋشىلەردىڭ باسقا كولىكتەردى باسىپ وزۋ ارەكەتى سالدارىنان جول- كولىك وقيعاسى ورىن الدى. وسى ورايدا 8 كولىك سوقتىعىستى. بۇدان كەيىن كولوننا ەكىگە ءبولىنىپ قالدى. ءتۇنى بويى وسى كولىكتەردى قار قۇرساۋىنان شىعارىپ، تاڭعا قاراي اقكولگە جەتكىزدىك. سوندىقتان ارنايى تەحنيكانىڭ كومەگىمەن ءجۇرىپ كەلە جاتقان كولوننادا جىلدامدىق رەجىمىن ساقتاۋعا كەڭەس بەرەمىز. سەبەبى كولوننا ساعاتىنا 20-30 شاقىرىم جىلدامدىقپەن جۇرەدى. بوران سالدارىنان اۆتوباندا نەمەسە باسقا دا رەسپۋبليكالىق ماڭىزداعى جولدارداعى نىساندار مۇلدەم كورىنبەي كەتتى»، - دەدى ۇ. ءالىپوۆ.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات