+7 (701) 759 90 19
-10 °С : نۇر-سۇلتان
1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

ىشكى ىستەر مينيسترلىگى بوران كەزىندە قۇتقارىلعان ادامدار تۋرالى حابارلادى

27 قاڭتار 16:42
:ءبولىسۋ
ىشكى ىستەر مينيسترلىگى بوران كەزىندە قۇتقارىلعان ادامدار تۋرالى حابارلادى

نۇر-سۇلتان. قازاقپارات - ىشكى ىستەر ءمينيسترىنىڭ ورىنباسارى يۋري يلين بوران سالدارىنان جابىلعان جولداردىڭ جاعدايى تۋرالى ايتىپ بەردى، دەپ حابارلايدى قازاقپارات ءتىلشىسى.

«بۇگىن ىشكى ىستەر مينيسترلىگى بولىمشەلەرىنىڭ، جەرگىلىكتى اتقارۋ ورگاندارىنىڭ، «QazAvtoJol» ۇ ك» ا ق كۇشىمەن 140 تان استام كولىكتى اقكول قالاسىنا دەيىن جەتكىزدىك. اكىمدىك تاراپىنان ادامداردى ورنالاستىرۋ مەن تاماقتاندىرۋ شارالارى ۇيىمداستىرىلدى»، - دەدى يۋ. يلين ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.

سونىمەن قاتار ول باسقا دا باعدارلارداعى جاعدايدى ايتىپ بەردى.

«وزگە دە باعىتتارعا توقتالساق، ەلوردا ماڭىندا ادامداردى قۇتقارۋ جۇمىستارى ءجۇرىپ جاتىر. وتكەن تاۋلىكتە 750 دەن استام ادام قۇتقارىلىپ، 1,5 مىڭنان استام كولىك قار قۇرساۋىنان شىعارىلدى. دەگەنمەن دە قار باسىپ قالعان جەرلەردە 500 گە تارتا كولىك قالىپ وتىر، ازىرگە ولاردى ەۆاكۋاتسيالاۋ قيىن بولىپ تۇر. ياعني، جول تازارتىلعاننان كەيىن اتالعان كولىكتەردى الىپ شىعامىز. قازىر ءبىز قورعانىس مينيسترلىگىنىڭ بولىمشىلەرىن جۇمىلدىرۋدامىز. وسى ورايدا ارنايى تەحنيكامەن ادامداردى قار قۇرساۋىنان شىعارۋ جۇمىستارى جالعاسۋدا»، - دەدى يۋ. يلين.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات