13:35, 27 - قاڭتار 2020 | GMT +6
بورانعا بايلانىستى ەلوردادا توتەنشە جاعداي جاريالاندى
نۇر-سۇلتان. قازاقپارات - بورانعا بايلانىستى ەلوردادا توتەنشە جاعداي جاريالاندى. بۇل تۋرالى ىشكى ىستەر ءمينيسترىنىڭ ورىنباسارى يۋري يلين ءمالىم ەتتى، دەپ حابارلايدى قازاقپارات ءتىلشىسى.
«بىزدە نۇر-سۇلتان قالاسى بويىنشا ت ج جاريالاندى. بۇل جاعداي ادىلەت باسقارماسىندا تىركەۋدەن ءوتتى. قازىرگى ۋاقىتتا التى وڭىردە ت ج بويىنشا كوميسسيا وتىرىسى دايىندالىپ جاتىر»، - دەدى يۋ. يلين ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ونىڭ سوزىنە قاراعاندا، ەلدى مەكەندەردە تىرشىلىك جاعدايىن قامتاماسىز ەتۋ بويىنشا قيىندىق تۋىنداسا، سول جەردە ت ج جاريالانادى.
«توتەنشە جاعداي جاريالاۋ سەبەبىنە توقتالساق، ول تىرشىلىك جاعدايىن قامتاماسىز ەتۋ پروبلەمالارى، ادامداردى تۇرعىلىقتى جەرلەرىنە جانە جۇمىس ورىندارىنا ۋاقتىلى جەتكىزۋ، سونداي-اق ازىق-تۇلىكپەن، مەديتسينالىق قىزمەتتەرمەن قامتاماسىز ەتۋ قامتىلادى»، - دەدى سپيكەر.
«اۋماقتارداعى جاعدايعا بايلانىستى وڭىرلەردەگى اكىمدىكتەر ت ج جاريالاۋ تۋرالى شەشىم قابىلدايدى»، - دەدى يۋ. يلين.