قاسىم- جومارت توقايەۆ بىرىككەن اراب امىرلىكتەرىنە رەسمي ساپارمەن باردى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ بىرىككەن اراب امىرلىكتەرىنە رەسمي ساپارمەن كەلدى، دەپ حابارلادى بۇگىن ق ر پرەزيدەنتىنىڭ باسپا ءسوز حاتشىىس بەرىك ءۋالي Facebook تەگى پاراقشاسىندا.

«بۇگىن قازاقستان پرەزيدەنتى ءابۋ- دابيدىڭ مۇراگەر حانزاداسى شەيح مۇحاممەد بەن زايد ءال ناحايانمەن كەزدەسەدى. كەزدەسۋدە ەكىجاقتى ىنتىماقتاستىق ماسەلەسى كەڭ اۋقىمدا تالقىلانادى. ساپار بارىسىندا ب ا ءا ىسكەرلىك توپتارىنىڭ وكىلدەرىمەن دوڭگەلەك ۇستەل وتكىزۋ جوسپارلانعان» ، - دەلىنگەن حابارلامادا.

سونىمەن قاتار بەرىك ءۋالي قاسىم- جومارت توقايەۆتىڭ 28 -قاڭتاردا دۋبايدا بىرىككەن اراب امىرلىكتەرىنىڭ ۆيتسە- پرەزيدەنتى، پرەمەر- ءمينيسترى، دۋباي بيلەۋشىسى شەيح مۇحاممەد بەن راشيد ءال ماكتۋممەن كەزدەسەتىنىن ايتادى.

سونداي- اق مەملەكەت باسشىسى دۋباي حالىقارالىق قارجى ورتالىعىنا (DIFC) بارىپ، بىرىككەن اراب امىرلىكتەرى كومپانيالارىنىڭ باسشىلارىمەن كەزدەسۋ وتكىزبەك.