+7 (701) 759 90 19
-4 °С : نۇر-سۇلتان
5 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

ۋحانداعى قازاقستاندىق ستۋدەنتتەردىڭ جازباسى

27 قاڭتار 11:31
:ءبولىسۋ
ۋحانداعى قازاقستاندىق ستۋدەنتتەردىڭ جازباسى

نۇر-سۇلتان. قازاقپارات - اقتوبەلىك 18 جاسار ستۋدەنت انەل سيسەنعاليەۆا ۋحان قالاسىندا 2 جىل بويى تىلدەر كۋرسىنا قاتىسقان. قازىر قازاقستاندىق ستۋدەنت نانكين ۋنيۆەرسيتەتىندە ءبىرىنشى كۋرس ستۋدەنتى ەكەن.

ال جاقىن كۇندەرى ول دەمالىسىن ۋحان قالاسىندا وتكىزبەكشى بولعان، دەپ حابارلايدى «دياپازون» باسىلىمىنا سىلتەمە جاساپ.

«اقتوبەگە بيلەت قىمبات تۇرادى، وعان قوسا دەمالىستارى دا قىسقا. قىزىمنىڭ كۋراتورلارى كەتىپ قالىڭدار دەپ جازىپتى. جارتى ساعاتتان كەيىن قىتاي بيلىگى قالانى جابامىز دەپ حابارلاعان. ەرتەرەك ايتقاندا قىزىم شىعىپ ۇلگەرەتىن ەدى. قازاقستاندىق ستۋدەنتتەرگە سەندەردى ەۆاكۋاتسيالايدى دەگەن جالعان اقپارات تاراتىپتى. سويتسە ولار تەك شەتەلدىك تالىمگەرلەردىڭ ءتىزىمىن جيناستىرىپتى»، - دەيدى قىتايداعى ستۋدەنتتىڭ اناسى رابيعا سيسەنعاليەۆا.

رابيعا قىزى ەكەۋلەرىنىڭ اراسىنداعى بايلانىستى جوعالتپاعانىن ايتىپ وتىر. سوزىنشە، قالادا ەشكىم سىرتقا شىقپايدى ەكەن، كوپتەگەن دۇكەندەر جابىلىپ قالعان. تەك ءىرى سۋپەرماركەتتەر جۇمىس ىستەپ جاتىر. ءاربىر ادامعا مەديتسينالىق بەتپەردە، دەنە قىزۋىن ولشەۋىش پەن دەزينفەكتسيالاندىراتىن قۇرالدار وتە قاجەت كورىنەدى.

«قازىر جاتاقحانادان شىعۋعا جانە ساعات 17-21 ارالىعىندا تەرەزە اشۋعا تىيىم سالىنعان. بۇل كەزدەرى دالاعا دەزينفەكتسيالاندىراتىن دارىمەكتەر سەبىلەدى. ءبىز سۋپەرماركەتتەن كەلە جاتقانىمىزدا تىكۇشاقتىڭ دىبىسىن ەستىدىك. قالادا ادام وتە از، بارلىعى بەتپەردەمەن جۇرەدى، ترانسپورتتار توقتاۋلى. ستۋدەنتتەر ءوز قالالارىنا قايتقىلارى كەلەدى، ءبىراق اۋەجايلار مەن ۆوكزالدار جابىلعان. ءبىر تالىمگەر تاكسيمەن كەتىپ قالماقشى بولعان. ءبىراق قالادان شىققان ادامدار جاۋاپكەرشىلىككە تارتىلادى دەگەن سىبىستار تارالۋدا. بۇل جەردە قازاقستاندىق ستۋدەنتتەر كوپ: 80-90 شاقتى ادام. ءوزىمدى جاقسى سەزىنەمىن، ءبىراق ۇيگە قاتتى قايتقىم كەلەدى. قاتتى قورقامىن»، - دەدى انەلدىڭ ءوزى.

ءوز كەزەگىندە رابيعا سيسەنعاليەۆا ءوزىنىڭ قىزى مەن باسقا دا قازاقستاندىق ستۋدەنتتەردى ەلىمىزگە ورالۋىنا كومەكتەسەڭىزدەرشى دەپ بيلىككە ءوتىنىش ايتتى.

«بالالاردىڭ بارلىعى ساۋ. وسى ايدىڭ 20 سىنا تامان اقتوبەگە ەكى قىز ورالعان. ولاردى شىعارىپتى. قازاقستاننىڭ باسقا قالالارىنا تاعى ءۇش ستۋدەنت كەلىپتى. ءۇش كۇننەن كەيىن قالعاندارى سىرتقا شىعا الماي قالعان. بيلىك ستۋدەنتتەردى قازاقستانعا اكەپ، اۋرۋحاناعا جاۋىپ قويسىن، ەشنارسە دەمەيمىز، تەك بالالارىمىز ەلىمىزگە ورالسا بولعانى. ول جاقتا بولعانشا، ءوزىمىزدىڭ جانىمىزدا بولعانى جاقسى. ەرتەڭ قىتايدا ازىق- تۇلىك ءبىتىپ جاتسا، ولاردىڭ كۇندەرى نە بولماق؟ « - دەدى رابيعا سيسەنبەكوۆا.

الداعى ۋاقىتتا ول ەلشىلىك باراتىندىعىن جەتكىزدى.

سونىمەن قاتار تاعى ءبىر قىتايدا ءبىلىم الىپ جاتقان قازاقستاندىق تالىمگەر گۇلباقىت بولاتبەك قىزى ۋحان قالاسىنان ۆيدەۇندەۋ جاريالادى. سوزىنشە، قالاداعى جاعداي جاقسى ەمەس، دەسەك تە تۇرعاندار باس ۇرىپ، ابىگەرلەنىپ جۇرگەن جوق ەكەن. بارلىعى تىنىش، ەشكىم بەتپەردەسىن تاستامايدى. تاۋارلاردىڭ جەتىسپەۋشىلىگى دە جوق سىڭايلى.

گۇلباقىت ۇرەي تۋدىرىپ وتىرعان ب ا ق وكىلدەرى دەيدى. ولار اقپاراتتى دۇرىس تاراتپاعاندىقتان، باسقا ەلدىڭ تۇرعىندارى نە ويلارىن بىلمەي، دال بولۋدا.

«بۇل جازبانى مەن ءوزىمنىڭ جاقىندارىمدى سابىرعا شاقىرۋ ءۇشىن جازىپ وتىرمىن. ءبىز ءبىر- ءبىرىمىزدىڭ ەتىن جەيتىن زومبيلەرگە اينالىپ جاتقان جوقپىز. بارلىعى دا تۇراقتى تۇردە جۇمىس جاساپ جاتىر. ءبارى دە بار. ەشكىم سىرت مەملەكەتكە باس ساۋعالاپ قاشىپ جاتقان جوق. بىزگە تەك سىزدەردىڭ قولداۋلارىڭىز قاجەت»، - دەدى گۇلباقىت بولاتبەك قىزى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات