+7 (701) 759 90 19
-12 °С : نۇر-سۇلتان
-3 °С : الماتى
USD 377.19 EUR 408.99
RUB 5.93 CNY 54.02
جاڭالىقتار

التايدا قاسقىردىڭ تىرشىلىك بولمىسىن كورسەتەتىن پارك اشىلدى - شەتەلدەگى قازاق ءتىلدى ب ا ق- قا شولۋ

27 قاڭتار 10:05
:ءبولىسۋ
التايدا قاسقىردىڭ تىرشىلىك بولمىسىن كورسەتەتىن پارك اشىلدى - شەتەلدەگى  قازاق ءتىلدى ب ا ق- قا شولۋ

نۇر- سۇلتان. قازاقپارات- «قازاقپارات» ح ا ا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

التايدا قاسقىردىڭ تىرشىلىك بولمىسىن كورسەتەتىن پارك اشىلدى - «التاي اقپارات» سايتى

قىتايدىڭ التاي ايماعىنىڭ شىڭگىل اۋدانىندا «قار- مۇز سپورت ءتۋريزمى» فەستيۆالىنىڭ اياسىندا «باتىس- سولتۇستىك قاسقىرلار پاركى» اشىلدى، دەپ جازادى altxw.com سايتى.


اتالعان ب ا ق- تىڭ مالىمەتىنشە، تۋريزم مەرەكەسىن تاماشالاۋعا كەلگەن ادامدار وسى ەركشە تىرشىلىك يەسىن جاقىننان كورىپ، ول تۋرالى سونى مالىمەتتەرمەن تانىسۋعا ەرەكشە ىنتا تانىتقان. ويتكەنى، قاسقىردىڭ باسقا اڭدارعا ۇقسامايتىن بولەكشە قاسيەتتەرى كوپ. ال پارك قىتايدىڭ جابايى جانۋارلاردى قورعاۋ مەملەكەتتىك مەكەمەسىنىڭ ارنايى ليسەنزياسىمەن اشىلعان. «باتىس- سولتۇستىك قاسقىرلار پاركىنىڭ» باسشىسى گاو ۆەيدونگتىڭ قاسقىردى قولعا ۇيرەتۋدە كوپ جىلدىق تاجىريبەسى دە بار ەكەن.


«قاسقىر- مال شارۋاشىلىعىمەن اينالىساتىن ولكەدەگى ەڭ تانىمالى جابايى جانۋارلاردىڭ ءبىرى. ايتسەدە، قازىرگى كۇنى وسىنداعى جەرگىلىكتى تۇرعىنداردىڭ ءوزى قاسقىردى كوزدەرىمەن كورمەگەن. بۇل اڭ تۋرالى تۇسىنىك تەك قولجەتىمدى اقپاراتتارمەن عانا شەكتەلگەن. ال جەرگىلىكتى تۇرعىنداردىڭ ءداستۇرلى شارۋاشىلىق مادەنيەتىندەگى قاسقىر تۋرالى تۇسىنىگى دە ءتۇرلى اڭىزدارمەن استاسىپ جاتادى. ولار اتالعان جانۋارعا اسا قاۋىپتى جىرتقىش رەتىندە قارايدى جانە قادىرلەيدى» ، - دەيدى گاو ۆەيدونگ.


«شىڭگىل اۋدانىنداعى «قاسقىر پاركىنەن» قاسقىرلاردىڭ بىرنەشە ءتۇرىن كورۋگە بولادى. كەلۋشىلەر بۇل اڭدى كورۋدەن بۇرىن «قاسقىرلار مۇراجايىن» ارالاپ، جابايى قاسقىرلاردىڭ تۇرلەرى مەن تارالۋى تۋرالى ماعلۇماتتارعا يە بولادى. سونداي- اق، قاسقىر تىستەرى مەن قاسقىر تاستارىنان جاسالعان قولونەر بۇيىمداردى، قاسقىر تەرىسىنەن تىگىلگەن كيىمدەردى كورە الاسىز. جەرگىلىكتى تۇرعىندار قاسقىردىڭ تەرىسىن 1-2 ساعات بوستەك قىلىپ وتىرساڭىز، كۇنى بويى دەنەڭىز قىزىپ جۇرەتىنىن ايتادى» ، - دەپ جازادى «التاي اقپارات» سايتى.


بايىت قابان ۇلىنىڭ تۋىندىسى فرانسۋز تىلىندە جارىق كوردى - KAZNEWS

مونعوليالىق قانداسىمىز، اقىن، جازۋشى بايىت قابان ۇلىنىڭ تۋىندىسى فرانسۋز تىلىندە جارىق كوردى، دەپ جازادى موڭعوليالىق KAZNEWS اقپاراتتىق پورتالى.


«بايىت قابان ۇلىنىڭ مونعول تىلىندە جازىلعان «اناشىم مەنىڭ» ، «كىشكەنتاي الەم» ، «تور ىشىندەگى ەركىندىك» ، «سىيۋ تۋرالى ولەڭ» ، «كوكتەمنىڭ قىزعالداعى» قاتارلى بەس ولەڭى فرانسۋز تىلىنە اۋدارىلىپ، «Éditions Jentayu» جۋرنالىندا جاريالاندى. اتالعان جۋرنالعا بايىت قابان ۇلىنان باسقا مونعوليانىڭ وسى زامان ادەبيەتىندەگى اقىن، جازۋشىلاردىڭ تاڭدامالى تۋىندىلارى دا جاريالانعان» ، - دەپ جازادى KAZNEWS.


بايىت قابان ۇلى 1967 -جىلى مونعوليانىڭ بايان- ولگەي ايماعىندا تۋعان. «مەن قازاق» ، «وي كەستە» ، «تاڭ نۇرى» ، «جازيرا جاڭالىعى» اتتى جىر جيناقتارىنىڭ اۆتورى.

بيوتەحنولوگيالىق كومپانيا تۇيە شارۋاشىلىعىمەن اينالىساتىن فەرمەرلەرگە 6 تەمىر تۇلپار سىيلادى - قىتايدىڭ «ورتالىق حالىق راديوسى» (CNR)


شىڭجاڭ ۆانگيۋان بيوتەحنولوگيالىق كومپانياسى التاي ايماعىنداعى تۇيە شارۋاشىلىعىمەن اينالىساتىن فەرمەرلەردى ماراپاتتاۋ جينالىسىن وتكىزدى، دەپ حابارلايدى قىتايدىڭ kazakcnr.com سايتى.

اتالعان ب ا ق- تىڭ جازۋىنشا، بۇل ماراپاتتاۋ شاراسىنا قىتايدىڭ التاي ايماعى، بۋرىلتوعاي اۋدانىنداعى 175 تۇيە شارۋاشىلىعىمەن اينالىساتىن فەرمەرلەر قاتىسقان. ونىڭ ىشىندە وسى شارۋاشىلىعىن جاقسى دامىتىپ، وركەندەتكەن 71 تۇيەشىگە 1 ميلليون يۋاننان اساتىن ىنتالاندىرۋ سىيلىقتارىن تابىس ەتكەن. قازىرگى ۋاقىتتا بۋرىلتوعاي اۋدانىندا 2200 ادام تۇيە باعۋمەن اينالىسادى. اۋداندا اتالمىش مالدىڭ 20 مىڭنان استام تۇلىگى بار ەكەن.

«تۇيە ءسۇتىنىڭ شيپالىق قاسيەتتەرى ەرتەدەن- اق بەلگىلى بولعان. ونىڭ ادام اعزاسىنا سىڭىمدىلىگى 98 پايىزدى قۇرايدى. دارىگەرلەر شۇباتتى تۇراقتى پايدالانعان ادامدار تۋبەركۋلەزبەن مۇلدەم اۋىرمايتىندىعىن انىقتاعان. اسقازان اۋىرۋلارىن دا شۇباتپەن ەمدەۋ - ءونىمدى ناتيجە كورسەتكەن. تۇيە ءسۇتىنىڭ بۇدان باسقا دا كوپتەگەن اۋرۋلارعا ەم بولاتىنى دالەلدەنگەن. وسىنداي دەنساۋلىققا پايدالى، نارىقتا ۇلكەن سۇرانىسقا يە تۇيە سۇتىنەن ونىمدەردى وندىرەتىن Wangyuan Group كومپانياسى 2019 -جىلى شارۋاشىلىقتاردان 3000 توننا تۇيە ءسۇتىن ساتىپ العان. سونداي- اق، كومپانيا اۋىلدى جەردە تۇيە شارۋاشىلىعىمەن اينالىساتىن شارۋالارعا جەڭىلدەتىلگەن نەسيە دە بەرىپ كەلەدى. ولار سوڭعى جىلدارى 642 شارۋاعا 80 ميلليون يۋاننان استام نەسيە تاراتقان. وسى جولعى فەرمەرلەردى ماراپاتتاۋدىڭ 5- كەزەكتى شاراسىندا كومپانيا 6 تۇيەشىگە تەمىر تۇلپار مىنگىزدى» ، - دەپ جازادى CNR.


اقپارات كوزىنىڭ جازۋىنشا، كولىككە يە بولعانداردىڭ ءبىرى ومىربەك مىسىرقان ۇلىنىڭ قازىرگى كۇنى 100 دەن استام تۇيەسى بار ەكەن.

«تۇيە ءسۇتىن ساتۋدان جىلىنا 800 مىڭ يۋاننان استام تابىس تابامىن. سونىمەن بىرگە جىل سايىن وسىنداي ماراپاتتاۋ شارالارىندا جۇلدە الىپ تۇرامىن. وتكەن جىلى ماعان 80 مىڭ يۋان بەرسە، بيىل 90 مىڭ يۋان جانە باعاسى 100 مىڭ يۋاننان اساتىن اۆتوكولىك مىنگىزدى» ، - دەيدى ومىربەك مىسىرقان ۇلى.

سونداي- اق، بۋرىلتوعاي اۋدانىنىڭ 36 فەرمەرى 7 -قاڭتار كۇنى بەيجىڭدەگى حالىق سارايىندا وتكەن «قىتاي تۇيە شارۋاشىلىعى يندۋسترياسىنىڭ جەتىستىكتەرى» كورمەسىنە قاتىسقان. ال، Wangyuan Group كومپانياسى 15 فەرمەردى گۋاڭجوۋ، گونكونگ، ماكاوعا جانە باسقا دا جەرلەردى ارالاتۋدى جوسپارلاپ وتىر.

ۇشقىش بەك بازىلحان ۇلى ۇلانباتىر- گونكونگ باعىتىنا العاشقى رەيسىن ءساتتى جاسادى- KAZNEWS


«موڭعوليانىڭ يزينيس ەيرۆەيز كومپانياسىنىڭ اۋە قوزعالىسىن باسقارۋ ورتالىعىنىڭ باسشىسى، B737NG ۇشاعىنىڭ ەكىنشى ۇشقىشى بەك بازىلحان ۇلى ۇلانباتىر - گونكونگ - ۇلانباتىر باعىتىنا ۇشقان اۋە كولىگىنىڭ تىزگىنىن ۇستاپ، العاشقى رەيسىن ءساتتى جاساپ، «شىڭعىس حان» حالىقارالىق اۋەجايىنا قوندى. اۋە كولىگىنىڭ تىزگىنىن كاسىبي تۇردە باسقارۋ - مانساپتاعى ماڭىزدى باسپالداق بولماق. بەك بازىلحان ۇلىنىڭ الداعى قىزمەتىنە ساتتىلىك تىلەيمىز!» ، - دەپ جازادى موڭعوليالىق KAZNEWS اقپاراتتىق پورتالى.


الىشەر ناۋايدىڭ «فارحاد پەن شىرىنى» اعىلشىن تىلىندە جارىق كوردى - « ءو ز ا» اقپاراتتىق اگەنتتىگى


تۇركى جۇرتىنىڭ ۇلى اقىنى ءحام شىعىستىڭ ويشىل دانىشپانى بوپ ءومىر كەشىپ، عۇمىرىنىڭ كوپ بولىگىن ادەبيەت پەن مادەنيەتكە ارناعان الىشەر ناۋايدىڭ «فارحاد پەن شىرىن» داستانى اعىلشىن تىلىندە جارىق كوردى، دەپ حابارلايدى وزبەكستاننىڭ «ءو ز ا» مەملەكەتتىك اقپارات اگەنتتىگى.


«قۇندى شىعارمانى اعىلشىن تىلىندە سويلەتكەن اقىن، اۋدارماشى ازام وبيد. بۇل ايتۋلى شىعارما تۇركيادا جارىق كورىپ، اعىلشىن تىلىندەگى نۇسقانىڭ قۇنارلى مازمۇنى مەن كوركەمدىگىن مارك ريس پەن كەيتي رۋت دەيۆيس تەكسەرگەن. ال ازام وبيد وزبەك ادەبيەتىندە وزىندىك قولتاڭباسى بار جازۋشى جانە بۇگىنگى كۇنى وزبەك ادەبيەتىن الەمگە تانىتۋدا ۇلكەن جۇمىس اتقارىپ جۇرگەن بىرەگەي جان. بىرنەشە شەت تىلدەرىن ەركىن مەڭگەرگەن اقىن ءبىر جىلدان بەرى «شەتەلدىك جازۋشىلار مەن سۋرەتشىلەر وزبەكستانداعى رەزيدەنسيادا» («UzLAB» ) اتتى حالىقارالىق ادەبي جانە مادەني شىعارماشىلىق تۋريزم جوباسىن قولعا العان. مۇنداعى كوزدەلگەن ماقسات شەتەلدىك قالامگەرلەردىڭ باسىن قوسىپ، وزبەك دالاسىنىڭ كورىكتى جەرلەرىنە ساياحاتتار ۇيىمداستىرۋ. وسى ساياحات بارىسىندا وزبەك ادەبيەتىنىڭ ۇزدىك تۋىندىلارىن شەتەلدىك جازۋشىلاردىڭ كومەگىمەن اۋدارما جاساتۋعا، ولاردى شەتەلدەردە باسپادان شىعارۋعا جول اشۋ» ، - دەپ جازادى «ءو ز ا» اقپاراتتىق اگەنتتىگى.

اتالعان با ق- تىڭ جازۋىنشا، تاشكەنتتەگى الىشەر ناۋاي اتىنداعى وزبەكستان ۇلتتىق كىتاپحاناسىندا وتكەن تۇساۋكەسەردە، اۋدارماشى «فارحاد پەن شىرىنى» اعىلشىن تىلىندە ءۇش مىڭ تيراجبەن وقىرمانعا جول تارتقانىن، سونداي- اق كىتاپتىڭ بۇداندا كوپ سانىن ءۇندىستاندا باسپادان شىعارۋ جوسپارلانعانىن جەتكىزدى.

قوجا احمەت ياساۋي كەسەنەسىنە 1 ميلليون 500 مىڭ تۋريست كەلگەن ت ر ت


قازاقستاننىڭ تۇركىستان قالاسىنداعى قوجا احمەت ياساۋي كەسەنەسىنە وتكەن جىلى 1 ميلليون 500 مىڭ تۋريست كەلدى، دەپ جازادى تۇركيا راديو تەليەۆيزيا پورتالى.

«تۇركىستان وبلىسى اكىمىنىڭ ورىنباسارى مەيىرجان مىرزاليەۆ وڭىرلىك كوممۋنيكاتسيالار قىزمەتىندە وتكەن جيىندا، ايماقتىڭ الەۋمەتتىك، ەكونوميكالىق جانە تۋريزم سالاسىنداعى جەتىستىكتەرى جونىندە ءمالىم ەتكەن. جالپى وبلىستا 168 قوناق ءۇي، 51 شيپاجاي، 60 دەمالىس بازاسى قىزمەت كورسەتەدى. ەكولوگيالىق، تاريحي- تانىمدىق تۋريزم باعىتىندا 57 تۋريست مارشرۋتى ازىرلەنگەن. «تۇركىستان قالاسىندا تۋريستەرگە تولىق اقپارات ۇسىناتىن «ۆيزيت ورتالىقتىڭ» ، «ۇلى جىبەك جولىنىڭ ۇلتتىق ءداستۇرلى قولونەر ورتالىعىنىڭ» ، حالىقارالىق اۋەجايدىڭ، «ياساۋي مۇراجايىنىڭ» جانە ت. ب. نىسانداردىڭ قۇرىلىسى جۇرگىزىلۋدە. 2019 -جىلى تۇركىستان قالاسىنداعى قوجا احمەت ياساۋي كەسەنەسىنە 1,5 ميلليون ادام كەلدى. وسى كورسەتكىشتى 2025 -جىلى 5 ميلليونعا جەتكىزۋ جوسپارلانادى» ، - دەپ جازادى ترت.

وزبەكستاندا ءبىلىم جۇيەسى قايتا رەفورمالانىپ، ج و و- لاردا 3 جىلدىق باكالاۆر اشىلادى - «ءو ز ا» اقپاراتتىق اگەنتتىگى

وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆتىڭ ولي ماجليس سەناتى مەن زاڭ شىعارۋ پالاتاسىنا جولداعان كەزەكتى ۇندەۋىندە ءبىلىم سالاسىنا ەرەكشە توقتالىپ، 2020-2021 -جىلعى وقۋ جىلىنان باستاپ مۇلدەم جاڭا جۇيە ەنگىزىلەتىنىن ايتتى، دەپ حابارلايدى وزبەكستاننىڭ « ءو ز ا» مەملەكەتتىك اقپارات اگەنتتىگى.

«2020/2021 -جىلعى وقۋ جىلىنان باستاپ ءبىلىم سالاسى رەفورمالانىپ، مۇلدەم جاڭا كاسىپتىك ءبىلىم بەرۋ جۇيەسى ەنگىزىلەدى جانە ج و و- دا 3 -جىلدىق باكالاۆر باعىتى اشىلادى. ولار: مۋزىكالىق ءبىلىم، دەنە شىنىقتىرۋ، تەحنولوگيالىق ءبىلىم، اسكەرگە دەيىنگى ءبىلىم، بەينەلەۋ ونەرى جانە ينجەنەرلىك گرافيكا، مەكتەپكە دەيىنگى جانە باستاۋىش ءبىلىم بەرۋدەگى دەنە شىنىقتىرۋ جانە سپورت سالاسىنداعى پەداگوگ ماماندارىن دايىنداۋ. بۇدان بولەك ج و و- دا مەملەكەتتىك گرانتتار سانىن ەكى ەسەگە ارتتىرىپ، قىزدار ءۇشىن ارنايى گرانتتار بولىنبەك. ال، ناقتى ماماندىقتارعا قاتىسى بولماعان پاندەر ەكى ەسەگە قىسقارتىلادى» ، - دەپ جازادى «ءو ز ا» اگەنتتىگى.

اۆتور: باقىتجول كاكەش



باستى سوزدەر: شەتەل قازاقتارى ,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات