+7 (701) 759 90 19
-4 °С : نۇر-سۇلتان
4 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

قازاقستاندا كوروناۆيرۋستى الدىن الۋ شارالارى قالاي جۇرگىزىلىپ جاتىر

27 قاڭتار 09:40
:ءبولىسۋ
قازاقستاندا كوروناۆيرۋستى الدىن الۋ شارالارى قالاي جۇرگىزىلىپ جاتىر

نۇر- سۇلتان. قازاقپارات - قىتايدا كوروناۆيرۋستىڭ جىلدام تارالۋىنا بايلانىستى ق ر دەنساۋلىق ساقتاۋ مينيسترلىگى ءبىرقاتار شارا قابىلدادى. بۇل تۋرالى قازاقپارات مينيسترلىكتىڭ facebook تەگى پاراقشاسىنا سىلتەمە جاساپ حابارلايدى.

مينيسترلىك مالىمەتىنشە، ەلىمىزدە كوروناۆيرۋسقا قاتىستى ساراپشىلاردان قۇرالعان رەسپۋبليكالىق شتاب قۇرىلدى.

سونىمەن بىرگە، كوروناۆيرۋس ينفەكتسياسىن الدىن الۋدىڭ ۇلتتىق جوسپارىنىڭ جوباسى ازىرلەندى.

قازىرگى كەزدە دەنساۋلىق ساقتاۋ باسقارمالارىندا پاتسيەنتتتەر كەلىپ تۇسكەن جاعدايدا وندا ينفەكتسيالىق ستاتسيونارلاردى دايىنداۋ جانە ولاردى ءتيىستى ءدارى- دارمەكپەن قامتاماسىز ەتۋ شارالارى جۇرگىزىلۋدە.

مەديتسينالىق مامانداردى تەوريالىق جانە پراكتيكالىق (ترەنينگ، وقۋ) دايىندىعى پىسىقتالىپ، تەكسەرىلدى.

مەديتسينالىق ۇيىمداردى ۇزبەي قامتاماسىز ەتۋگە ءتيىستى دارىلىك- دارمەكتەردىڭ تىزبەسى ازىرلەندى.

دەنساۋلىق ساقتاۋ ءمينيسترى ەلجان ءبىرتانوۆ قوعامدىق دەنساۋلىق ساقتاۋ ۇلتتىق ورتالىعىنا بارىپ، جالپى جاعدايمەن تانىستى.

بۇعان قوسا، مەملەكەتتىك شەكارادان وتكىزۋ بەكەتتەرىندە، ونىڭ ىشىندە اۋە، اۆتوكولىك جانە تەمىرجول كولىگى نىساندارىندا سانيتارلىق- ەپيدەميولوگيالىق جانە كوشى- قون باقىلاۋىن كۇشەيتۋ شارالارى قولعا الىنۋدا.

سونىمەن قاتار، قازاقستاندا كوروناۆيرۋسقا بايلانىستى جەدەل جەلى ىسكە قوسىلدى.

كوروناۆيرۋستىڭ العاشقى بەلگىلەرى - باستىڭ اۋرۋى، تۇماۋ، كەۋدەدەگى اۋىرلىق، وكپەنىڭ قابىنۋى، قىزۋدىڭ كوتەرىلۋى، جۇرەك قاعىسىنىڭ جيىلەۋى، دەمنىڭ جەدەلدەۋى.

«مۇنداي جاعدايدا ەم شاراسىن وزدىگىمەن قابىلداماي، بىردەن 103 نومىرىنە حابارلاسۋ كەرەك!» - دەپ ەسكەرتەدى مينيسترلىك.

ەسكە سالساق، ق ر پرەزيدەنتى قاسىم- جومارت توقايەۆ قىتايدان قازاقستان اۋماعىنا كوروناۆيرۋستىڭ تارالۋىنا جول بەرمەۋ بويىنشا ناقتى ۇيىمداستىرۋ شارالارىن قابىلداۋدى تاپسىرعان بولاتىن.

26 - قاڭتاردا قر پرەمەر- ءمينيسترى اسقار مامين قازاقستان اۋماعىندا كوروناۆيرۋستىڭ تاراۋىنا جول بەرمەۋ جانە ونىڭ الدىن الۋ شارالارى جونىندە كەڭەس وتكىزدى.

كەڭەس قورىتىندىسى بويىنشا ۇكىمەت باسشىسى كەلەسى كەشەندى الدىن الۋ شارالارىن قابىلداۋدى تاپسىردى.

ۇكىمەت باسشىسىنىڭ ورىنباسارى بەردىبەك ساپاربايەۆتىڭ توراعالىعىمەن ۆەدومستۆوارالىق كوميسسيا قۇرىلدى.

قازاقستان كوروناۆيرۋستى زەرتحانالىق جاعدايدا انىقتاۋعا مۇمكىندىك بەرەتىن پرايمەرلەردى ساتىپ الۋدى باستادى.

قر دەنساۋلىق ساقتاۋ مينيسترلىگى ەلىمىزدە ينفەكتسيا تىركەلمەگەنىن رەسمي ءمالىم ەتتى.

ق ر سىرتقى ىستەر مينيسترلىگىنىڭ اقپاراتىنشا، كارانتينگە جابىلعان قىتايدىڭ ۋحان قالاسىندا بۇگىندە قازاقستاننان 230 ستۋدەنت وقيدى. ولاردىڭ 98 ءى عانا قالادا قالىپ وتىر. قالعاندارى دەمالىستىڭ باستالۋىنا بايلانىستى قازاقستانعا جانە باسقا دا ەلدەرگە كەتىپ قالعان.

ەلىمىز وڭىرلەرىندەگى بارلىق اۋەجايلاردا پروفيلاكتيكالىق شارالار جانە وقۋ- جاتتىعۋ جۇمىستارى جۇرگىزىلۋدە.


باستى سوزدەر: الةم, بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات