+7 (701) 759 90 19
-8 °С : نۇر-سۇلتان
-9 °С : الماتى
USD 377.09 EUR 407.37
RUB 5.93 CNY 53.95
جاڭالىقتار

اق جايىق وڭىرىندە رەسپۋبليكالىق قۇسبەگىلەر ءتۋرنيرىنىڭ جەڭىمپازدارى انىقتالدى

27 قاڭتار 10:31
:ءبولىسۋ
اق جايىق وڭىرىندە رەسپۋبليكالىق قۇسبەگىلەر ءتۋرنيرىنىڭ جەڭىمپازدارى انىقتالدى

ورال. قازاقپارات - باتىس قازاقستان وبلىسىندا «جايىق قىرانى-2020» رەسپۋبليكالىق قۇسبەگىلەر ءتۋرنيرى مارەگە جەتتى، دەپ حابارلايدى قازاقپارات ءتىلشىسى.

اق جايىق وڭىرىندە ەكىنشى رەت ۇيىمداستىرىلعان سايىس بۇل جولى تەرەكتى اۋدانىنداعى شالقار كولى جاعاسىندا ءوتتى.

ساساي مەن سانتاس تاۋلارىنىڭ باۋرايىنا اقمولا، الماتى، اتىراۋ، جامبىل، قاراعاندى، ماڭعىستاۋ، پاۆلودار، تۇركىستان، باتىس قازاقستان وبلىستارى مەن نۇر- سۇلتان، الماتى قالالارىنان قۇسبەگىلەر جينالدى.


ءۇش كۇنگە سوزىلعان قۇسبەگىلەر ساتىسىنىڭ قورىتىندىسىندا جەڭىمپازدار ەسىمى جاريا ەتىلدى.

بارلىعى 14 بۇركىتشىنىڭ اراسىنان نۇرسۇلتاندىق سەرىكبەك كۇنتۋعان العىرىمەن 50 ۇپاي جيناپ، ءبىرىنشى ورىنعا يە بولدى. الماتى وبلىسىنان كەلگەن عابيت تاڭاتوۆ وتكىرىمەن (48 ۇپاي) ەكىنشى، ماڭعىستاۋلىق ايشۋاق تايمانوۆ اقبالاعىمنن ءۇشىنشى ورىنعا كوتەرىلدى.


سەگىز يتەلگى باپتاۋشىدان الماتى وبلىسىنان جۇلدىزبەگىمەن كەلگەن قۋانىش يسابەكوۆتىڭ باعى جاندى. اتىراۋلىق ارمان كۋشكاروۆ سومبالاعىمەن، ماڭعىستاۋلىق ا. تايمانوۆ اقبالاعىمەن ەكىنشى- ءۇشىنشى ورىنداردى ءبولىستى.

قارشىعا باپتاۋشىلاردان الماتى وبلىسىنان كەلگەن ساعىنىش باەتباي كوكجەندەتىمەن الدىنا جان سالمادى. ەلوردالىق ەراسىل سەرىكبەك ۇلى چيپوگىمەن جانە باتىسقازاقستاندىق مۇراتبەك بالتابەكوۆ ۇشقىرىمەن ۇزدىك ۇشتىككە ىلىكتى.


تەرەكتى اۋدانىنىڭ اكىمى ءادىل جولامانوۆ وڭىردە ساياتشىلىق ونەردى دامىتۋدا مۇنداي ءتۋرنيردىڭ ماڭىزى زور ەكەندىگىن جەتكىزىپ، وعان ايرىقشا ۇلەسىن قوسىپ جۇرگەن باتىسقازاقستاندىق ولكەتانۋشى ايبولات قۇرىمبايەۆقا العىسىن ءبىلدىردى.




باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات