+7 (701) 759 90 19
-7 °С : نۇر-سۇلتان
-2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

قىتاي كوروناۆيرۋسقا قارسى كۇرەستە قيىن جاعدايدا تۇر

27 قاڭتار 08:02
:ءبولىسۋ
قىتاي كوروناۆيرۋسقا قارسى كۇرەستە قيىن جاعدايدا تۇر

بەيجىڭ. قازاقپارات - قىتاي جاڭا كوروناۆيرۋستىڭ تارالۋىنا بايلانىستى تۋىنداعان ەپيدەميانى قاداعالاۋ جانە الدىن الۋدا وتە قيىن جاعدايدا تۇر.

بۇل تۋرالى جەكسەنبى كۇنى ق ح ر دەنساۋلىق ساقتاۋ ىستەرى بويىنشا مەملەكەتتىك كوميسسيانىڭ باسشىسى ما شياوۆەي باسپا ءسوز- كونفەرەنسياسىندا ايتتى، دەپ حابارلايدى قازاقپارات ءتىلشىسى.

قىتايلىق شەنەۋنىكتىڭ ايتۋىنشا، كوروناۆيرۋستىڭ تارالۋ جىلدامدىعى ارتىپ جاتىر.

«ۋحانداعى اۋرۋ ۆيرۋستىڭ بۇكىل ەل اۋماعىنا (تيبەتتى قوسپاعاندا) تارالۋ تەندەنتسياسىن كورسەتتى. 30 پروۆينتسيادا جاڭا كوروناۆيرۋستى جۇقتىرعان ادامدار انىقتالدى» ، - دەپ اتاپ ءوتتى ماشياوۆەي.

ول اۋرۋدىڭ سالىستىرمالى تۇردە «ماڭىزدى ءارى كۇردەلى كەزەڭگە وتكەنىن» ايتتى. ونىڭ بولجاۋى بويىنشا، «اۋرۋدىڭ تارالۋى بىرنەشە ۋاقىتقا سوزىلادى» . دەگەنمەن، دەنساۋلىق ساقتاۋ سالاسىنداعى الدىن الۋ جانە قاداعالاۋ شارالارى ناتيجە بەرىپ، ەپيدەميانىڭ تارالۋ قاۋپى تومەندەگەن.

ەسكە سالا كەتسەك، جاڭا كوروناۆيرۋس ءتۇرى تۋدىرعان پنيەۆمونيانىڭ جىلدام تارالۋىنا بايلانىستى 30 پروۆينتسيادا (اۆتونومدى اۋداندار، ورتالىققا باعىناتىن قالالار) توتەنشە جاعدايعا ارەكەت ەتۋدىڭ ءبىرىنشى دارەجەسى ەنگىزىلدى.

سوڭعى مالىمەتتەر بويىنشا، اۋرۋدى جۇقتىرعاندار سانى 1995 ادامعا جەتىپ، 56 سى كوز جۇمدى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات