+7 (701) 759 90 19
0 °С : نۇر-سۇلتان
0 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

قازاقستاندىق اۆياكومپانياسى قىتايدان تۋريستىك ساپارلاردى ورىنداۋدان باس تارتتى

27 قاڭتار 07:55
:ءبولىسۋ
قازاقستاندىق اۆياكومپانياسى قىتايدان تۋريستىك ساپارلاردى ورىنداۋدان باس تارتتى

نۇر- سۇلتان. قازاقپارات - «Air Astana» اۆياكومپانياسى قىتايدان قازاقستانعا ورىنداۋى ءتيىس بولعان تۋريستىك توپتاردىڭ ساپارلارىنان باس تارتتى، دەپ حابارلايدى قازاقپارات.

«Air Astana» اۋە كومپانياسى اعىمداعى جىلعى 24 - قاڭتاردان باستاپ ءۇرىمجى قالاسىنان، 28 - قاڭتاردان بەيجىڭ قالاسىنان بارلىق تۋريستىك توپتاردى شەگەردى. قىتايدان بارلىق اۋە بيلەتتەرى ايىپپۇلسىز قايتارىلادى» ، - دەلىنگەن ق ر يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىندە.

بۇگىنگى تاڭدا قىتايعا اۋە تاسىمالدارىن قازاقستان تاراپىنان «Air Astana» جانە «SCAT» اۆياكومپانيالارى، قىتاي تاراپىنان «Air China» جانە «China Southern Airlines «اۋە كومپانيالارى ورىندايدى. بارلىعى اپتاسىنا 34 رەيس جاسالادى، ونىڭ ىشىندە 22 رەيستى وتاندىق، 12 رەيستى قىتايلىق كومپانيالار جۇزەگە اسىرادى.

مينيسترلىكتەن اتاپ وتكەندەي، قازىرگى ۋاقىتتا ەلىمىزدىڭ اۋەجايلارىندا ق ر دەنساۋلىق ساقتاۋ مينيسترلىگىمەن بىرلەسىپ ەل اۋماعىندا اسا قاتەرلى ينفەكتسيانىڭ تارالۋىنا قارسى قاجەتتى شارالار اتقارىلىپ جاتىر. جولاۋشىلار ارنايى ستاتسيونارلىق جانە قول تەپلوۆيزورلارىمەن تەكسەرىلۋدە. اۋەجاي قىزمەتكەرلەرىنە مۇنداي جاعدايدا جاسالاتىن ءىس- ارەكەتتەر مەن مەن قاتەرلى ينفەكتسيا انىقتالعان ەلدەردەن كەلەتىن جولاۋشىلارمەن جۇمىس ىستەۋدە ساقتالۋى ءتيىس قاۋىپسىزدىك شارالارى كۇن سايىن تۇسىندىرىلۋدە.

«اعىمداعى جىلعى 29 - قاڭتاردا كوماندالىق- شتابتىق وقۋ جاتتىعۋلار وتكىزۋ جوسپارلانعان. وندا بارلىق مامانداندىرىلعان كۇشتەر، اۋەجاي مەن مەملەكەتتىك ورگانداردىڭ كۇشىن تارتا وتىرىپ، قاتەرلى ينفەكتسيالاردىڭ ەلگە تارالۋىنا قارسى اۋە كەمەسىندەگى بارلىق ەلەمەنتتەر پىسىقتالادى» ، - دەدى ۆەدومستۆودان.

ەسكە سالايىق، كەشە ق ر پرەزيدەنتى قاسىم- جومارت توقايەۆ قىتايدان قازاقستان اۋماعىنا كوروناۆيرۋستىڭ تارالۋىنا جول بەرمەۋ بويىنشا ناقتى ۇيىمداستىرۋ شارالارىن قابىلداۋدى تاپسىردى.

كەيىن ق ر پرەمەر- ءمينيسترى اسقار مامين قازاقستان اۋماعىندا كوروناۆيرۋستىڭ تاراۋىنا جول بەرمەۋ جانە ونىڭ الدىن الۋ شارالارى جونىندە كەڭەس وتكىزدى.

قازىر قىتايدا پنيەۆمونيالىق ينفەكسيانىڭ جاڭا ءتۇرى تاراپ جاتىر. سىرقاتقا شالدىققان جانە كوز جۇمعاندار سانى كۇن ساناپ ارتىپ كەلەدى. العاشقى ناۋقاستار تىركەلگەن كۇندەرى (15 - قاڭتار) ەسەپكە 41 ادام الىنعان بولاتىن.

سوڭعى مالىمەتتەر بويىنشا، قىتايدا جاڭا كوروناۆيرۋستى جۇقتىرعاندار 1326 عا جەتىپ، ولىممەن 41 وقيعا اياقتالدى.

پنيەۆمونيانىڭ بۇل ءتۇرى تايلاند، ەۋروپا ەلدەرى مەن ا ق ش- تا تىركەلىپ وتىر.

قازاقستان كوروناۆيرۋستى زەرتحانالىق جاعدايدا انىقتاۋعا مۇمكىندىك بەرەتىن پرايمەرلەردى ساتىپ الۋدى باستادى.

ق ر دەنساۋلىق ساقتاۋ مينيسترلىگى ەلىمىزدە ينفەكتسيا تىركەلمەگەنىن رەسمي ءمالىم ەتتى.

ق ر سىرتقى ىستەر مينيسترلىگىنىڭ اقپاراتىنشا، كارانتينگە جابىلعان قىتايدىڭ ۋحان قالاسىندا بۇگىندە قازاقستاننان 230 ستۋدەنت وقيدى. ولاردىڭ 98 ى عانا قالادا قالىپ وتىر. قالعاندارى دەمالىستىڭ باستالۋىنا بايلانىستى قازاقستانعا جانە باسقا دا ەلدەرگە كەتىپ قالعان.

ەلىمىز وڭىرلەرىندەگى بارلىق اۋەجايلاردا پروفيلاكتيكالىق شارالار جانە وقۋ- جاتتىعۋ جۇمىستارى جۇرگىزىلۋدە.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات