مينيسترلىك قىتايلىق ۆيرۋس «جۇقتىرعان» باناندار تۋرالى اقپاراتتى تەرىسكە شىعاردى
«مەسسەندجەرلەر مەن الەۋمەتتىك جەلىدە ءتۇرلى جالعان اقپاراتتار تاراپ جاتىر. اسىرەسە، باناندار ارقىلى كوروناۆيرۋستى جۇقتىرۋعا بولاتىنى جازىلعان. بۇل اقپاراتتىڭ شىندىققا جاناسپايتىنىن رەسمي تۇردە مالىمدەگىمىز كەلەدى»، - دەدى ۆيتسە-مينيستر سق «فارماتسيا» الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، رەسمي دەرەككوزدەرگە عانا سەنىم ارتقان ءجون.
«بۇل ماسەلە بويىنشا ق ر دەنساۋلىق ساقتاۋ مينيسترلىگى قۇزىرلى ورگاندارعا جۇگىندى. كىنالىلەردى تاۋىپ، جالعان اقپارات تاراتقانى ءۇشىن جاۋاپقا تارتىلعانىن قالايمىز. قىلمىستىق كودەكس اياسىندا شىندىققا جاناسپايتىن اقپارات تاراتۋدىڭ زاڭمەن قۋدالاناتىنىن ەسكە سالعىمىز كەلەدى»، - دەدى ك. نادىروۆ.
بۇعان دەيىن قازاقستاننىڭ باس سانيتارلىق دارىگەرى جانداربەك بەكشين ۋحان قالاسىنان الماتى اۋەجايىنا قونعان ۇشاق تۋرالى پىكىر بىلدىرگەن ەدى.