اباي كوپتەگەن ۇرپاقتاردىڭ رۋحانيلىعىن قالىپتاستىرۋعا باعا جەتپەس ۇلەس قوستى - دوڭگەلەك ۇستەل
ۇلى فيلوسوف ءارى اقىننىڭ 175 جىل تولۋىنا ارنالعان العاشقى كەزدەسۋ «اباي ءوز زامانداستارىنىڭ عانا ەمەس، سونىمەن قاتار كوپتەگەن ۇرپاقتاردىڭ رۋحانيلىعىن قالىپتاستىرۋعا باعا جەتپەس ۇلەس قوستى. بۇل بايلانىس بۇگىن دە ءومىر سۇرەدى...» - دەگەن سوزدەرمەن باستالدى. - بۇل - اقىننىڭ مەرەيتويىنا ارنالعان قالا اياسىنداعى العاشقى شارا. اباي شىعارماشىلىعىنىڭ ءبىلىمپازدارىن وسكەلەڭ ۇرپاقپەن ءوز بىلىمدەرىمەن بولىسۋگە شاقىرامىن، - دەپ اتاپ ءوتتى قالا اكىمىنىڭ ورىنباسارى سۆەتلانا گلادىشيەۆا.
جينالعاندارعا ابايدىڭ 175 جىلدىعىن مەرەكەلەۋ جونىندەگى نەگىزگى يميدجدىك ءىس-شارالار جوسپارى ۇسىنىلدى. جىل باسىندا شىعارماشىلىق جانە عىلىمي ينتەلليگەنتسيا وكىلدەرىنىڭ شىعىس قازاقستان وبلىسىنداعى جيدەباي شاتقالىنا ساپارى جوسپارلانعان. دەلەگاتسيا ابايدىڭ مۇراجاي-ءۇيى مەن «اباي-شاكارىم» مەموريالدىق كەشەنىن تاماشالايدى.
سونداي-اق، پمپۋ پروفەسسورى بەكەن ساعىندىق ۇلى، پ م ۋ پروفەسسورى ايمان زەينۋلينا جانە پ م ۋ پروفەسسورى سەرىك ەلىكبايەۆ ءسوز سويلەدى. سونىمەن قاتار، پ م پ ۋ 1 كۋرس ستۋدەنتى كريستينا شيەۆچۋك اباي شىعارمالارىن قازاق تىلىندە ورىنداۋ شەبەرلىگىمەن تاڭ قالدىردى.
رەسمي باياندامالاردىڭ سوڭىندا جينالعاندار الداعى ءىس-شارالاردى تالقىلاپ، ءوز تىلەكتەرىن ءبىلدىردى.