+7 (701) 759 90 19
-7 °С : نۇر-سۇلتان
-1 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

جولداردىڭ ساپاسى بويىنشا قاي ءوڭىر كوش باستاپ تۇر

26 قاڭتار 10:53
:ءبولىسۋ
جولداردىڭ ساپاسى بويىنشا قاي ءوڭىر كوش باستاپ تۇر

نۇر-سۇلتان. قازاقپارات - 2019-جىلى قازاقستاندا رەسپۋبليكالىق ماڭىزداعى جولداردىڭ %88، جەرگىلىكتى جولداردىڭ %71 جاقسى جانە قاناعاتتانارلىق دەڭگەيگە جەتكىزىلدى.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات.

2019-جىلى ەلىمىزدىڭ اۆتوجول سالاسىندا ەلەۋلى وزگەرىس بولدى. جالپى ءمالىم ەتىلگەندەي، بىلتىر پايدالانۋداعى اۆتوجولداردىڭ، جولداردى جوندەۋ جۇمىستارىنىڭ ساپاسىن باقىلاۋ ماقساتىندا ق ر يندۋستريا جانە ينفراقۇرىلىمدىق دامۋ مينيسترلىگى اۆتوموبيل جولدارى كوميتەتىنە قاراستى «ۇلتتىق جول اكتيۆتەرى ساپاسى ورتالىعى» رەسپۋبليكالىق مەملەكەتتىك كاسىپورنى قۇرىلدى. سودان بەرگى 9 اي ىشىندە ورتالىق ماماندارى اۆتوجولداردى 8 مىڭ رەت تەكسەرىپ، 5 مىڭعا تارتا زاڭ بۇزۋشىلىقتى انىقتاعان. قۇرىلىس ماتەريالدارىنىڭ 12 مىڭنان استام سىناماسى الىنىپ، زەرتتەلگەن.

«اقمولا، قوستاناي، شىعىس قازاقستان، باتىس قازاقستان جانە پاۆلودار وبلىستارى مەن نۇر-سۇلتان قالاسى جولدارىندا قالىڭدىعى مەن تىعىزدىعىنىڭ جەتكىلىكسىزدىگى، اسفالت-بەتون جابىنىنىڭ سۋعا قانىعۋ نورماسىنىڭ اسىپ كەتۋى سياقتى ورەسكەل قاتەلىكتەر انىقتالدى. ناتيجەسىندە 700 ميلليون تەڭگە سوماعا ەسكەرتۋلەر جويىلىپ، مەردىگەر ۇيىمدار، جوبالاۋشىلار مەن تەحنيكالىق قاداعالاۋ قىزمەتتەرى اكىمشىلىك جاۋاپكەرشىلىككە تارتىلدى»، - دەلىنگەن مينيسترلىك مالىمەتىندە.

وڭىرلەر اراسىندا جاقسى جول جابىنى بويىنشا ماڭعىستاۋ وبلىسى كوش باسىندا. وندا جولداردىڭ %93 جاقسى جانە قاناعاتتانارلىق جاعدايدا. ال سوڭعى ورىندا جولدارىنىڭ %31 عانا جاقسى كورسەتكشكە يە باتىس قازاقستان وبلىسى تۇر. رەسپۋبليكالىق جولدارىنىڭ جاعدايى %100 جەتكەن وڭىرلەر دە بار، ولار - قىزىلوردا جانە تۇركىستان وبلىستارى. اتىراۋ وبلىسىندا رەسپۋبليكالىق جولدار ساپاسى بۇگىنگى تاڭدا %66 شاماسىندا. بۇل - وڭىرلەر اراسىندا ەڭ تومەنگى پارامەتر.

«سونداي-اق جول بويىنداعى قىزمەتتەر جاقسى جانە قولايلى بولماي، جول جەلىسى دە ساپالى بولمايدى. ق ر يندۋستريا جانە ينفراقۇرىلىمدىق دامۋ مينيسترلىگى بۇعان ەرەكشە كوڭىل ءبولىپ وتىر. قازىر رەسپۋبليكالىق جولدار بويىندا 1803 قىزمەت كورسەتۋ نىسانى جۇمىس ىستەسە، ولاردىڭ 883 ءى نەمەسە %49 عانا ۇلتتىق ستاندارت تالاپتارىنا ساي كەلەدى. اكىمدىكتەردىڭ بەلسەندى قىزمەتى ناتيجەسىندە اتىراۋ، قوستاناي، اقمولا جانە اقتوبە وبلىستارى جاقسى ناتيجە كورسەتىپ وتىر. بۇل وڭىرلەردە جول بويى قىزمەتىنىڭ ساپاسى %50 اسادى. ماڭعىستاۋ، سولتۇستىك قازاقستان، تۇركىستان جانە باتىس قازاقستان وبلىستارىندا كەرىسىنشە ول %40 جەتپەيدى.

جۋىردا قابىلدانعان «نۇرلى جول» ينفراقۇرىلىمدىق دامۋ مەملەكەتتىك باعدارلاماسى ساپالى كولىك ينفراقۇرىلىمىن قۇرۋعا باعىتتالعان. ول حالىق ءۇشىن ىڭعايلى جانە قولجەتىمدى بولىپ، ەڭبەك ونىمدىلىگى مەن ءومىر ساپاسىن ارتتىرادى. ناتيجەسىندە رەسپۋبليكالىق جولداردىڭ %100، وبلىستىق جانە اۋداندىق جولداردىڭ %95 جاقسى جانە قاناعاتتانارلىق جاعدايعا جەتكىزىلۋى ءتيىس»، - دەدى مينيسترلىكتەن.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات